Vaibhav Suryavanshi: वयाच्या 16व्या वर्षी वैभव सूर्यवंशी कोट्याधीश, एकूण संपत्ती किती? जाणून घ्या
Vaibhav Suryavanshi: अवघ्या १४ वर्षांचा असलेल्या वैभव सूर्यवंशीने आयपीएलमधील आपल्या कामगिरीने सर्वांचे लक्ष वेधले आहे. इतक्या कमी वयात वैभव प्रचंड प्रसिद्ध झाला आहे.
राजस्थान रॉयल्सचा सलामीवीर (ओपनर) वैभव सूर्यवंशी सध्या चांगलाच चर्चेत आहे. त्याची खेळी पाहून अनेकजण चकीत झाले आहे. पण इतक्या लहान वयात एवढी कामगिरी करणाऱ्या वैभवकडे एकूण किती संपत्ती आहे? असा प्रश्न अनेकांना पडला आहे. चला जाणून घेऊया...
अवघ्या १४ वर्षांचा असलेल्या वैभव सूर्यवंशीने आयपीएलमधील आपल्या कामगिरीने सर्वांची मने जिंकली आहेत. बिहारच्या या युवा खेळाडूला राजस्थान रॉयल्सने १.१ कोटी रुपयांना विकत घेतले होते. त्याने गुजरात टायटन्सविरुद्ध अवघ्या ३५ चेंडूंत शतक झळकावून आयपीएलच्या इतिहासातील सर्वात जलद भारतीय शतक ठोकण्याचा विक्रम रचला आहे.
२७ मार्च २०११ रोजी बिहारच्या समस्तीपूर जिल्ह्यातील मोतीपूर गावात जन्मलेल्या वैभवने वयाच्या ९ व्या वर्षापासून क्रिकेट खेळायला सुरुवात केली. सुरुवातीला त्याचे वडील संजीव सूर्यवंशी यांनी त्याला प्रशिक्षण दिले, त्यानंतर त्याने अकादमी जॉईन केली.
आयपीएल लिलावात जेव्हा त्याला १.१ कोटी रुपयांना विकत घेण्यात आले, तेव्हा अवघ्या १३ व्या वर्षीच वैभव करोडपती झाला. त्याची मूळ किंमत (बेस प्राईस) ३० लाख रुपये होती, मात्र दिल्ली कॅपिटल्ससारख्या अनेक संघांनी त्याच्यासाठी बोली लावली होती. जसजशी वैभवची लोकप्रियता वाढत आहे, तसतशा ब्रँड एंडोर्समेंटच्या संधीही वाढत आहेत. तज्ज्ञांच्या मते, लवकरच त्याला मोठ्या स्पॉन्सरशिप डील्स मिळू शकतात.
सध्या वैभवची एकूण संपत्ती (नेट वर्थ) सुमारे २ कोटी रुपयांच्या आसपास मानली जात आहे. ज्यामध्ये आयपीएलमधून मिळणाऱ्या कमाईचा वाटा सर्वात मोठा आहे. याव्यतिरिक्त तो बिहारच्या अंडर-१९ संघासाठीही खेळला आहे आणि रणजी करंडक सारख्या स्पर्धांमध्ये त्याने सहभाग घेतला आहे. त्याच्या शानदार शतकानंतर बिहार सरकारने त्याला १० लाख रुपयांचे बक्षीस देण्याचीही घोषणा केली आहे, ज्यामुळे त्याची ओळख आणखी भक्कम झाली आहे.
वैभव प्रत्येक हंगामात सुमारे १.१ कोटी रुपये कमावतो. त्याची एकूण संपत्ती विविध रिपोर्ट्सनुसार सुमारे २ ते ३ कोटी रुपयांच्या घरात आहे. त्याची बहुतांश कमाई राजस्थान रॉयल्ससोबतच्या करारातून येते, जो सुमारे १.१ कोटी रुपयांचा आहे. त्याच्या वयाच्या तुलनेत ही रक्कम खूप मोठी आहे, जरी त्याची कारकीर्द अजून सुरुवातीच्या टप्प्यात असली तरी.
