GK : इराणमधील सर्वात श्रीमंत व्यक्तीचे नाव काय? संपत्तीचा आकडा वाचून थक्क व्हाल!
सध्या इराणमधील युद्धाची सगळीकडे चर्चा होत आहे. परंतु या देशात अनेक लोक खूपच श्रीमंत आहेत. काही लोक अब्जाधीश आहेत. त्यामुळेच इराणमध्ये सर्वाधिक श्रीमंत असलेली व्यक्ती कोण आहे, ते जाणून घेऊ या.
इराण सध्या युद्धाच्या खाईत लोटला गेलेला आहे. या देशावर अमेरिका आणि इस्रायल या दोन्ही मोठ्या देशांकडून हल्ले केले जात आहेत. आतापर्यंत या युद्धात इराणमध्ये हजारो लोकांचा मृत्यू झाला आहे. दरम्यान, सध्याजरी इराणची युद्धामुळेच चर्चा होत असली तरी हा देश अन्य बाबींमुळेही ओळखला जातो.
तंत्रज्ञानाच्या जोरावर या देशाने अनेक मोठी आणि महत्त्वाची कामगिरी करून दाखवलेली आहे. त्यामुळेच या देशातील सर्वाधिक श्रीमंत व्यक्त कोण आहे? ते जाणून घेऊ या. ईबे (eBay) या ई-कॉमर्स प्लॅटफॉर्मचे संस्थापक पियरे ओमिडयार हे इराणचे सर्वाधिक श्रीमंत व्यक्ती आहेत.
ते मूळचे इराण वशी आहेत. त्यांचा जन्म हा पॅरिसमध्ये झाला होता. ते सध्ये अमेरिकेतच राहतात. परंतु त्यांचे आई-वडील हे मूळचे इराणी आहेत. त्यांची आई प्रसिद्ध शिक्षणतज्ज्ञ तर वडील एक डॉक्टर राहिलेले आहेत. आपल्या बुद्धीच्या जोरावर पियरे ओमिडयार यांनी तंत्रज्ञान क्षेत्रात आपला वेगळा ठसा उमटवलेला आहे.
डिजिटल प्लॅटफॉर्म आणि तंत्रज्ञानाच्या जोरावरच त्यांनी श्रीमंतांच्या यादीत स्थान मिळवलेलं आहे. 2026 सालच्या आकडेवारीनुसार पियरे ओमिडयार यांची एकूण संपत्ती 11.8 अब्ज डॉलर्स आहे. भारतातील अब्जाधीश मुकेश अंबानी यांची संपत्ती ही 92.3 अब्ज डॉलर तर उद्योगपती गौतम अदाणी यांची संपत्ती 57.8 अब्ज आहे.
म्हणजेच भारतातील सर्वाधिक श्रीमंत असलेले मुकेश अंबानी यांची संपत्ती ही ओमिडयार यांच्यापेक्षा 9 ते 10 पटींनी जास्त आहे. डिजिटल क्षेत्रासह, स्थावर आणि जंगम मालमत्तादेखील त्यांच्या संपत्तीचा स्त्रोत आहे. त्यांनी कॅलिफोर्निया, मेक्सिको येथे रिसॉर्टमध्येही गुंतवणूक केलेली आहे.
