उंटांना जिवंत साप का खाऊ घालतात? कारण वाचून तुम्हाला देखील बसेल धक्का
राज्यात अनेक ठिकाणी वेगवेगळ्या परंपरा आपल्या दररोज बघायला मिळतात. अशीच एक प्रथा म्हणजे उंटांना जिवंत साप खाऊ घालणे?
मध्यपूर्वेतील काही ग्रामीण भागांमध्ये उंटांना विशिष्ट आजार झाल्यास त्यांना जिवंत साप खाऊ घालण्याची एक जुनी पारंपरिक प्रथा आजही काही ठिकाणी पाळली जाते. स्थानिकांच्या समजुतीनुसार, 'हयम' नावाच्या आजारामुळे उंट खाणे-पिणे कमी करतो, अशक्त होतो तसेच ताप आणि सुस्ती यांसारखी लक्षणे दिसू लागतात.
अशा वेळी जिवंत साप गिळवल्यास उंटाच्या प्रकृतीत सुधारणा होते, असा त्यांचा विश्वास आहे. या पारंपरिक उपचारपद्धतीत उंटाचे तोंड उघडून त्याला जिवंत साप गिळवला जातो आणि त्यानंतर पाणी पाजले जाते.
काही लोकांचा दावा आहे की सापाचे विष शरीरातील संसर्गाशी लढण्यास मदत करते. मात्र, या दाव्याला कोणताही वैज्ञानिक आधार उपलब्ध नाही. पशुवैद्य आणि तज्ज्ञांच्या मते, उंटांमध्ये आढळणारा हा आजार संसर्ग, परजीवी किंवा कीटकांच्या चाव्यामुळे होऊ शकतो.
या आजारावर जिवंत साप खाऊ घालणे हा प्रभावी उपचार असल्याचे कोणतेही संशोधन सिद्ध झालेले नाही. उलट, योग्य वेळी आधुनिक पशुवैद्यकीय उपचार घेणेच सुरक्षित आणि परिणामकारक असल्याचे तज्ज्ञ सांगतात.
म्हणूनच, ही प्रथा पारंपरिक श्रद्धा म्हणून ओळखली जात असली तरी तिच्या परिणामकारकतेला वैज्ञानिक मान्यता नसल्याचे पशुवैद्यकीय तज्ज्ञ स्पष्ट करतात.
