रेल्वेच्या डब्यावर हिरव्या, निळ्या, पिवळ्या रंगाच्या रेषा का असतात? नेमका उपयोग काय?
रोज कोट्यवधी लोक रेल्वेने प्रवास करतात. तुम्हीही कधीतरी रेल्वेने प्रवास केला असेलच. रेल्वेच्या डब्यावर विशिष्ट रंगाच्या रेषा काढलेल्या असतात. त्याचा उपयोग अनेकांना माहिती नाही.
रेल्वेच्या प्लॅटफॉर्मवर उभे राहून तुम्ही इकडे तिकडे पाहिले तर अनेक गोष्टी तुमच्या लक्षात येतील. एखाद्या रेल्वेकडे पाहिल्यावर तुम्हाला एक विशेष बाब जाणवेल. रेल्वेच्या काही डब्यांवर वेगवेगळ्या रंगाच्या रेषा असतात. या रेषा का असतात याबाबत अनेकांना कल्पना नाही.
रेल्वेवर काळ्या, निळ्या, पिवळ्या रंगाच्या या रेषा असतात. या रेषा फक्त डिझाईन म्हणून काढलेल्या नसतात. या रेषांचा खास अर्थ असतो. निळ्या किंवा लाल रंगाच्या रेल्वे डब्यावर पिवळ्या रंगाने रेषा काढलेल्या असतात. अशा रेषा दिसल्या फक्त दिव्यांगांच्या डब्यावरच असतात.
निळ्या रंगाच्या रेल्वे डब्यातील शेवटच्या खिडकीवर पांढऱ्या रंगाच्या रेषा काढलेल्या असतात. या रेषा दिसल्या की संबंधित डबा हा सामान्य श्रेणीचा आहे, असा संकेत त्यातून मिळतो.
निळ्या रंगाच्या रेल्वे डब्यावर हिरव्या रंगाच्या रेषा असतात. या रेषांतून संबंधित डबा हा महिलांसाठी आरक्षित असल्याचे संकेत मिळतात.
तपकीरी रंगाच्या रेल्वे डब्यावर कधीकधी लाल रंगाच्या रेषा काढलेल्या असतात. या रेषा संंबंधित डबा हा प्रथम श्रेणीचा डबा असल्याचे सूचित केले जाते.
