Vastu Tips : दरवाज्याच्या दिशेने पाय ठेवून झोपणं शुभ की अशुभ ? तुम्ही कसे झोपता ?
वडीलधारी लोक अनेकदा सांगतात की रात्रीच्या वेळी दाराकडे पाय ठेवू नयेत. बरेच लोक याला केवळ अंधश्रद्धा मानतात, परंतु वास्तुशास्त्रात याबद्दल बरंच काही सांगण्यात आलं आहे.
आपली झोप आणि शरीराची विश्रांती खूप महत्त्वाची आहे, पण आपण कोणत्या दिशेला झोपतो याकडे तुम्ही कधी लक्ष दिले आहे का?
वडीलधारी मंडळी आपल्याला अनेकदा सांगतात की रात्रीच्या वेळी दाराकडे पाय ठेवू नयेत. बरेच लोक याला केवळ अंधश्रद्धा मानतात, परंतु वास्तुशास्त्रात याचं कारण सांगितलं आहे.
जर एखाद्या व्यक्तीने झोपताना आपले पाय दाराच्या दिशेने ठेवले, तर असे मानले जाते की नकारात्मक ऊर्जा त्या व्यक्तीवर थेट परिणाम करू शकते. या कारणास्तव, ते अशुभ मानले जाते.
शास्त्रांनुसार, फक्त मृत व्यक्तीलाच दाराजवळ पाय ठेवून झोपण्याची परवानगी आहे, म्हणून अशा प्रकारे झोपणे अशुभ मानले जाते.
वास्तू तज्ञ सांगतात की, दरवाजा हा घराचा प्रवेशद्वार असतो, आणि त्या दिशेने पाय करून झोपणं हे देवाचा किंवा घराची देवी लक्ष्मीचा अपमान मानले जाते.
धार्मिक मान्यतेनुसार, देव आणि पूर्वजांची ऊर्जा दारातून घरात प्रवेश करते. म्हणून, दाराकडे पाय ठेवून झोपल्याने सकारात्मक उर्जेला अडथळा येतो.
झोपताना पूर्व, उत्तर किंवा ईशान्य दिशेला डोके ठेवणे शुभ असते. यामुळे आपल्या जीवनात सकारात्मक ऊर्जा येते. ( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
