Diwali 2022: म्हणून दिवाळीत आहे गोवर्धन पूजेला महत्त्व, जाणून घ्या पूजेचा मुहूर्त
दरवर्षी दिवाळीनंतर दुसऱ्यादिवशी गोवर्धन पूजा करण्यात येते, मात्र यंदा पाडवा, भाऊबीज आणि गोवर्धन पूजा एकत्रच आलेली आहे.
मुंबई, दरवर्षी दिवाळीच्या दुसऱ्या दिवशी गोवर्धन पूजा (Gowardhan Puja 2022) साजरी केली जाते, मात्र यंदा तसे नाही. यावर्षी दिवाळीच्या दुसऱ्या दिवशी म्हणजेच मंगळवारी 25 ऑक्टोबरला सूर्यग्रहण आहे, त्यामुळे गोवर्धन पूजा आज नाही तर उद्या, 26 ऑक्टोबर बुधवारी साजरी होणार आहे. गोवर्धन पूजेला अन्नकूट असेही म्हणतात. गोवर्धन पूजेच्या दिवशी भगवान श्रीकृष्ण आणि गोवर्धन पर्वताची पूजा केली जाते. भगवान श्रीकृष्णाला अन्नकूट अर्पण केला जातो. जाणून घ्या गोवर्धन पूजेची शुभ वेळ आणि तिथी.
गोवर्धन पूजा 2022 तारीख
पंचांगानुसार दरवर्षी कार्तिक महिन्याच्या शुक्ल पक्षातील प्रतिपदा तिथीला गोवर्धन पूजा केली जाते. यावर्षी कार्तिक शुक्ल प्रतिपदा तिथी आज 25 ऑक्टोबर रोजी दुपारी 04:18 पासून सुरू होणार आहे आणि ती उद्या 26 ऑक्टोबर दुपारी 02:42 पर्यंत आहे.
गोवर्धन पूजेसाठी २ तासांचा शुभ मुहूर्त
26 ऑक्टोबर रोजी गोवर्धन पूजेचा शुभ मुहूर्त फक्त पहाटे 02 तास 14 मिनिटे आहे. अशा परिस्थितीत तुम्ही याच काळात गोवर्धन पूजा पूर्ण करावी. सकाळी गोवर्धन पूजेचा शुभ मुहूर्त 06.29 ते 08.43 पर्यंत आहे.
प्रीति योगात गोवर्धन पूजा
गोवर्धन पूजेच्या दिवशी प्रीति योग तयार होतो. या दिवशी सकाळी 10.9 वाजेपर्यंत प्रीति योग आहे. पूजा आणि शुभ कार्यासाठी हे शुभ मानले जाते. तेव्हापासून आयुष्मान योग सुरू होत आहे.
गोवर्धन पूजेचे महत्त्व
पौराणिक कथेनुसार भगवान श्रीकृष्णाने द्वापार युगात इंद्रदेवाचा अभिमान मोडला आणि सर्व गोकुळातील लोकांचे त्याच्या क्रोधापासून रक्षण केले. मात्र, यानंतरही इंद्राला आपले काम करावे लागले आणि त्याबद्दल त्याने भगवान श्रीकृष्णाची क्षमाही मागितली.
तेव्हापासून दरवर्षी कार्तिक शुक्ल प्रतिपदेला गोवर्धन पूजा केली जाते. हे निसर्गावरील प्रेम आणि त्याच्या संरक्षणाचे प्रतीक आहे. या दिवशी भगवान श्रीकृष्णाला अन्नकूट अर्पण केले जाते, ज्यामध्ये अनेक प्रकारचे पदार्थ जेवणासाठी दिले जातात.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)