सोमवार ते रविवार… कोणत्या दिवशी कोणत्या रंगाचे कपडे घालावेत? जाणून याचं महत्त्व…

ज्योतिषशास्त्रामध्ये अनेक गोष्टींचा उल्लेख करण्यात आला आहे… सांगायचं झालं तर, ज्योतिषशास्त्रीय मान्यतेनुसार, आपण जे अन्न खातो, झोपतो आणि दैनंदिन दिनचर्या यांसोबतच, आपण जे कपडे घालतो त्यांच्या रंगांनाही विशेष महत्त्व आहे. प्रत्येक रंगाचा आपल्या विचारांवर, मनावर आणि ऊर्जेवर वेगवेगळा प्रभाव पडतो…. असं देखील मानलं जातं आणि याच कारणामुळे , आठवड्याच्या कोणत्या दिवशी कोणत्या रंगाचे कपडे घातल्यास शुभ परिणाम मिळतील आणि कोणते रंग टाळावेत, याबद्दल काही ज्योतिषशास्त्रीय सल्ले आहेत. तर जाणून घेऊया की कोणत्या दिवशी कोणत्या रंगाचे कपडे घालावेत.

सोमवार हा भगवान शिवाला समर्पित दिवस मानला जातो. ज्योतिषशास्त्रानुसार, या दिवशी हलक्या रंगाचे कपडे घालणं चांगलं मानलं जातं. तुम्ही पांढरे, क्रीम, फिकट गुलाबी, फिकट आकाशी आणि फिकट पिवळ्या रंगाचे कपडे घालू शकता. असं म्हटलं जातं की, या दिवशी काळे आणि अतिशय भडक गडद रंग टाळणं चांगले असतं. काळा रंग पवित्र दिवशी घालत देखील नाही.

मंगळवार हा भगवान हनुमानाला समर्पित दिवस मानला जातो. या दिवशी लाल, केशरी, नारंगी आणि पिवळ्या रंगांसारखे तेजस्वी रंग परिधान करणं शुभ मानलं जातं. ज्योतिषशास्त्रीय मान्यतेनुसार, हे रंग उत्साह आणि ऊर्जेचे प्रतीक मानलं जातात.

बुधवार हा भगवान गणेश आणि बुध ग्रहाशी संबंधित दिवस मानला जातो. भगवान गणेशाला अत्यंत प्रिय असलेल्या दुर्वांचे प्रतीक असलेल्या हिरव्या रंगाला या दिवशी विशेष महत्त्व आहे. त्यामुळे, हिरव्या किंवा तत्सम रंगांचे कपडे परिधान करता येतात.

गुरुवार हा भगवान विष्णूला समर्पित दिवस मानला जातो. पौराणिक आणि ज्योतिषशास्त्रीय मान्यतेनुसार, भगवान विष्णूला पिवळा रंग खूप आवडतो. त्यामुळे, गुरुवारी पिवळे कपडे घालणं शुभ मानलं जातं. असं मानलं जातं की, पिवळे कपडे घातल्याने सकारात्मकता येते.

शुक्रवार हा शुक्राचा दिवस मानला जातो. हा दिवस देवी लक्ष्मीलाही समर्पित आहे. त्यामुळे, शुक्रवारी लाल रंगाचे कपडे घालणं शुभ मानलं जातं. ज्योतिषशास्त्रीय मतानुसार, तुम्ही थोडे चमकदार किंवा आकर्षक कपडे घालू शकता. लाल रंगासोबत तुम्ही फिकट रंगाचे कपडेही घालू शकता.

शनिवार हा शनिदेवाला समर्पित दिवस मानला जातो. ज्योतिषशास्त्रानुसार, निळा आणि काळा रंग शनिदेवाशी संबंधित आहेत. त्यामुळे, शनिवारी निळ्या किंवा काळ्या रंगाचे कपडे परिधान करावेत असं मानलं जातं. या दिवशी गडद निळा रंगही शुभ मानला जातो.

रविवार हा सूर्यदेवाला समर्पित दिवस मानला जातो. लाल, नारंगी आणि पिवळा हे रंग सूर्याचे प्रतीक मानले जातात. त्यामुळे, ज्योतिषशास्त्रानुसार रविवारी या रंगांचे कपडे घालणं शुभ मानलं जातं. विशेषतः, लाल, केशरी आणि नारंगी यांसारखे तेजस्वी रंग परिधान केले जाऊ शकतात.

(डिस्क्लेमर : सदर लेखातील माहिती केवळ ज्योतिषशास्त्रीय गृहीतके आणि उपलब्ध माहितीवर आधारित आहे. आम्ही यातील तथ्यांची किंवा दाव्यांची पुष्टी करत नाही. अंधश्रद्धेला प्रोत्साहन देणे हा आमचा हेतू नाही.)