Kojagiri Purnima 2026: कोजागिरी पौर्णिमेच्या दिवशी चंद्र दुधात का दिसतो, माहितीये? घ्या जाणून
Kojagiri Purnima 2026: हिंदू परंपरेत प्रत्येक पौर्णिमेला एक विशेष स्थान आहे. त्यात कोजागिरी पौर्णिमा फार महत्त्वाची मानली जाते. या दिवशी चंद्र पूर्ण तेजात असतो आणि दुधात दिसतो... हे कसं शक्य होतं माहितीये... जाणून घ्या प्रथेमागील आध्यात्मिक महत्त्व काय आहे...
Kojagiri Purnima 2026: यंदाच्या वर्षी 25 ऑक्टोबर रोजी कोजागिरी पौर्णिमा आहे. सांगायचं झालं तर, कोजागिरी पौर्णिमा आश्विन महिन्यातील शुक्ल पक्षाच्या पौर्णिमेच्या दिवशी साजरी केली जाते. धार्मिक श्रद्धेनुसार, हा वर्षातील सर्वात महत्वाचा दिवस आहे, या दिवशी चंद्र (Moon) त्याच्या पूर्ण तेजात असतो. या दिवशी, देशाच्या अनेक भागांमध्ये रात्री चंद्राची पूजा करणं आणि दूध अर्पण करण्याची परंपरा आहे. तर या प्रथेमागील आध्यात्मिक महत्त्व काय आहे ते जाणून घेऊया. हिंदू पौराणिक कथा आणि आध्यात्मिक श्रद्धेनुसार, शारदीय पौर्णिमेच्या रात्री चंद्र आपल्या सोळा किरणांनी चमकतो.
भक्तांचा असा विश्वास आहे की या रात्री चंद्राच्या किरणांमधून अमृताचा प्रवाह होतो. म्हणूनच ही पौर्णिमा अत्यंत पवित्र मानली जाते. अनेकांचा असा विश्वास आहे की या दिवशी आकाशात चंद्र चमकताना पाहिल्याने आणि शांत चांदण्यात काही वेळ घालवल्याने मनाला आनंद मिळतो. पौर्णिमेच्या दिवशी ध्यान करणं आणि देवाचं स्मरण करणं हा आध्यात्मिक साधनेचा एक भाग आहे.
सांगायचं झालं तर, कोजागिरी पौर्णिमेच्या दिवशी, जिथे चंद्रप्रकाश असतो अशा ठिकाणी दूध, तांदूळ आणि साखर वापरून बनवलेला मसाला दूध किंवा दुधाची खीर ठेवण्याची परंपरा आहे. काही भागांमध्ये, चंद्राची किरणे त्यांच्यापर्यंत पोहोचावीत म्हणून हे पदार्थ रात्री बाहेर ठेवले जातात. आध्यात्मिक श्रद्धेनुसार, असं मानलं जातं की, चंद्राच्या अमृत किरणांच्या प्रभावाने हे दूध किंवा दुधाची खीर पवित्र होते. नंतर, ते देवी लक्ष्मीला नैवेद्य म्हणून अर्पण केलं जातं, त्यानंतर कुटुंबातील सदस्यांकडून प्रसाद म्हणून स्वीकारलं जातं.
चंद्राच्या प्रतिबिंबाकडे पाहण्यामागील आरोग्यविषयक समजुती
आयुर्वेदात असं मानलं जातं की, शरद ऋतूमध्ये शरीरातील पित्त वाढण्याची शक्यता असते. पारंपरिक वैद्यकीय संकल्पनांनुसार, या संदर्भात थंड दुधासारख्या पदार्थांचे सेवन केल्याने शरीराला आराम मिळतो. त्याचप्रमाणे, काही वेळ शांतपणे चंद्रप्रकाशाकडे पाहिल्याने मनःशांती लाभते. पण, दुधातील चंद्राच्या प्रतिबिंबाकडे पाहिल्याने दृष्टी सुधारते. पण याबद्दल कोणताही वैज्ञानिक पुरावा नाही.
एकंदरीत, कोजागिरी पौर्णिमा ही चंद्राची पूजा करणं, देवी लक्ष्मीचा आशीर्वाद घेणं आणि निसर्गाशी आध्यात्मिक नातं जोडणं यांसारख्या परंपरांचा संगम आहे. भक्तांचा असा विश्वास आहे की हा सण भक्तीभावाने साजरा केल्याने मनःशांती आणि जीवनात सकारात्मकता येते.
(डिस्क्लेमर: सदर लेखातील माहिती केवळ ज्योतिषशास्त्रीय गृहीतके आणि उपलब्ध माहितीवर आधारित आहे. आम्ही यातील तथ्यांची किंवा दाव्यांची पुष्टी करत नाही. अंधश्रद्धेला प्रोत्साहन देणे हा आमचा हेतू नाही.)
