Paush Pornima: आज पाैष पोर्णीमा, जुळून येतोय हा विशेष योग, काय आहे मुहूर्त आणि महत्व?

कोजागिरी पौर्णिमा २०२२

Image Credit source: Social Media

मुंबई, पौष महिन्यातील शुक्ल पक्षातील पौर्णिमा पौष पौर्णिमा (Paush Pornima 2023)  म्हणून ओळखली जाते. पौष पौर्णिमेच्या दिवशी स्नान, दान आणि जप याला खूप महत्त्व आहे. यावर्षी पौष पौर्णिमा आज शुक्रवार, 6 जानेवारी 2023 रोजी आहे. पौष पौर्णिमेला हिंदू धर्मात खूप महत्त्व आहे. या दिवशी विधिपूर्वक पूजा केल्याने मनुष्य मोक्ष प्राप्त करतो असे मानले जाते. यासोबतच सूर्यदेवाला स्नान, दान आणि अर्घ्यही अर्पण केले जाते.

पौष पौर्णिमेचे महत्व

हिंदू धर्माशी संबंधित मान्यतेनुसार पौष महिन्याला सूर्यदेवाचा महिना म्हणतात. या महिन्यात सूर्यदेवाची आराधना केल्याने मनुष्य मोक्ष प्राप्त करतो असे म्हणतात. म्हणूनच पौष पौर्णिमेच्या दिवशी पवित्र नद्यांची पूजा केल्याने इच्छा पूर्ण होतात आणि जीवनातील अडथळे दूर होतात. पौष पौर्णिमेच्या दिवशी काशी, प्रयागराज आणि हरिद्वारमध्ये गंगा स्नानाचे खूप महत्त्व आहे. या दिवशी पूजा, जप, तपश्चर्या आणि दान केल्याने केवळ चंद्र देवताच नाही तर भगवान श्री हरीचीही कृपा होते. पौर्णिमा आणि अमावास्येला पूजा आणि दान केल्याने माणसाची सर्व पापे नष्ट होतात.

पौष पौर्णिमा वेळ

शुक्रवार, 6 जानेवारी 2023 रोजी पौष पौर्णिमा

पौर्णिमा तिथीची सुरुवात – 06 जानेवारी 2023 दुपारी 02:14 वाजता

पौर्णिमेची तारीख संपेल – 07 जानेवारी 2023 सकाळी 04:37 वाजता

पौष पौर्णिमेला निर्माण झालेला शुभ योग

यावर्षी पौष पौर्णिमेला अनेक शुभ योग बनत आहेत. चला जाणून घेऊया या शुभ योगांबद्दल –

ब्रह्म मुहूर्त पहाटे 05.25 ते 06.20 पर्यंत असेल. सर्वार्थ सिद्धी योग अत्यंत शुभ मानला जातो. या योगात केलेली सर्व कामे सफल होतात. सर्वार्थ सिद्धी योग शनिवार, 7 जानेवारी 2023 रोजी रात्री 12:14 वाजता सुरू होईल आणि सकाळी 7:15 वाजता समाप्त होईल.

पौष पौर्णिमा पूजा विधी

या दिवशी सकाळी लवकर उठून स्नान करून उपवासाचे व्रत करावे. साधारणपणे या दिवशी पवित्र नदीत स्नान करून सूर्यदेवाला प्रार्थना केली जाते, परंतु शहरांमध्ये हे शक्य नसेल तर गंगाजलाचे काही थेंब पाण्यात टाकून स्नान करू करावे. स्नानानंतर सूर्यमंत्राचा उच्चार करताना सूर्यदेवाला अर्घ्य अर्पण करावे. स्नान करून भगवान मधुसूदनची पूजा करून त्यांना नैवेद्य दाखवावा. या दिवशी कोणत्याही गरजू किंवा ब्राह्मणाला दान करणे शुभ मानले जाते. तीळ, गूळ, घोंगडी, कपडे दानधर्मातही देऊ शकता.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)