जोस बटलरच्या घरी अवतरली परी, राजस्थान रॉयल्सने दिल्या खास शुभेच्छा, फोटोही केला शेअर

जोस बटलर

लंडन: इंग्लंडचा यष्टीरक्षक फलंदाज जोस बटलर (Jos Butler) दुसऱ्यांदा बाबा झाला आहे.  त्याच्या पत्नीने रविवारी पाच सप्टेंबर रोजी एका मुलीला जन्म दिला. 2019 मध्ये बटलर पहिल्यांदा वडिल झाला होता. त्यावेळीही त्याला मुलगीच झाली होती. तिचं नाव जॉर्जिया ठेवलं होतं. दरम्यान आता दुसऱ्यांदा पत्नीला मुलं होणार असताना तिच्यासोबत राहण्यासाठी बटलरने भारत विरुद्ध इंग्लंड यांच्यात सुरु असलेली कसोटी मालिका मध्येच सोडली. तसेच आयपीएलच्या (IPL 2021) उर्वरीत सामन्यांतूनही माघार घेतली आहे.

बटलर आयपीएलमध्ये राजस्थान रॉयल्स (Rajasthan Royals) या संघाकडून खेळतो. त्यामुळे राजस्थान संघानेही बटलरला वडिल होण्याच्या शुभेच्छा देत त्याचा आणि मुलीचा फोटो आपल्या इन्स्टाग्रामवर शेअर केला आहे. तसंच या फोटोच्या कॅप्शनमध्ये मुलीचं नाव लिहीत, ‘जॉसला मुलगी झाली आहे. रॉयल्स कुटुंबात स्वागत आहे मॅगी’ असंही लिहिलं आहे.

टी20 विश्वचषकात करणार पुनरागमन

पत्नीला मुलं होणार असल्याने तिच्यासोबत वेळ घालवण्यासाठी बटलरने भारत विरुद्ध इंग्लंड यांच्यातील शेवटच्या दोन कसोटी सामन्यांसह यंदाच्या आयपीएलमधूनही माघार घेतली आहे. त्यामुळे तो आता थेट ऑक्टोबर महिन्यात युएई आणि ओमान देशात होणाऱ्या टी-20 विश्वचषकात खेळताना दिसणार आहे. बटलरने  यंदाच्या आयपीएलमध्ये आतापर्यंत सात सामन्यात एका शतकासह 254 धावा केल्या. तर भारत दौऱ्यात पहिल्या तीन कसोटीतील पाच डावात 0,17,23, 25, 7 अशा धावसंख्येवर बाद झाला आहे.

इतर बातम्या

रोहितंच अप्रतिम शतक, रितीकाची Flying Kiss, VIDEO पाहून चाहतेही घायाळ

मॅचनंतर दादा ही कामं करायला सांगायचा, केबीसीच्या सेटवर सेहवाग-गांगुलीचा कलगीतुरा, बिग बी बघतच राहिले!

तो परत आला… भारताच्या गोलंदाजीवेळी Jarvo 69 मैदानात, इंग्लंडच्या फलंदाजाला दिला धक्का!

(England cricketer jos butler becomes father of baby girl Rajsthan royals wished him)