T20 World Cup 2021: रविवारी टी20 विश्वचषकात (T20 World Cup 2021) झालेल्या बांग्लादेश आणि श्रीलंका सामन्यामध्ये दोन खेळाडूंमध्ये जबरदस्त बाचाबची झाली. बांग्लादेशची फलंदाजी सुरु असताना पहिलाच विकेट पडला असता श्रीलंकेचा गोलंदाज एल कुमारा (L Kumara) याने आक्रमकता दाखवत थेट फलंदाज लिटन दास (Liton Das) याच्या अंगावर गेला. दरम्यान या सर्वानंतर आता आयसीसीने आचार संहितेचं उल्लंघन केल्याप्रकरणी दोन्ही खेळाडूंची मॅच फि देखील कापण्यात आली आहे.
यावेळी एल कुमारा याच्या मॅच फीमध्ये 25 टक्के तर लिटन दासच्या मॅच फिमध्ये 15 टक्के कपात करण्यात आली आहे. यावेळी मॅच रेफऱी म्हणून भारताचे माजी गोलंदाज जवागल श्रीनाथ हे काम पाहत असल्याने त्यांनीच ही शिक्षा सुनावली आहे. यावेळी आयसीसी आचार संहितेची धारा 2 . 5 नुसार बाद झाल्यानंतर कोणतीही आक्रमक किंवा चूकीची प्रतिक्रिया देण्याबाबत ही शिक्षा सुनावण्यात आली आहे.
शारजाहमध्ये सुरु असलेल्या बांग्लादेश विरुद्ध श्रीलंका सामन्यात श्रीलंकेने नाणेफेक जिंकत गोलंदाजी निवडली. यावेळी सलामीवीर लिटन दास आणि नईम यांनी अप्रतिम सुरुवात केली. पण लिटन याची विकेट जाताच मैदानात असं काही घडलं की मैदानात अगदी वातावरणचं बदलंल. लिटन दासची विकेट घेतल्यानंतर श्रीलंकेचा गोलंदाज लाहिरु कुमारा अगदी जोशामध्ये लिटनच्या अंगावर गेला. त्याचा आक्रमक अंदाज पाहून सर्वच खेळाडू सोडवा सोडवी करायला आले. नॉन स्ट्राईकर नईमही यावेळी मध्ये पडला. तर लिटननेही जाता जाता बॅट समोर आणत कुमाराला खुन्नस दिली.
Exchange of words between Lahiru kumara & Litton das#SlvsBan pic.twitter.com/Wfy85BlveF
— RISHI (@RISHIKARTHEEK) October 24, 2021
अत्यंत अटीतटीच्या झालेल्या सामन्यात बांग्लादेशवर श्रीलंका संघाने 5 विकेटने विजय मिळवला. बांग्लादेशने प्रथम फलंदाजी करत 20 ओव्हरमध्ये 171 धावा केल्या. ज्यानंतर श्रीलंका संघाची सुरुवात खराब झाली पण अखेर चरित असालंकाने 49 चेंडूत नाबाद 80 आणि भानुका राजपक्षाने 53 धावांची खेळी तरत 7 चेंडू ठेवून सामना संघाला जिंकवून दिला.
इतर बातम्या
India vs Pakistan : पाकिस्तानच्या विजयाचा शिल्पकार असणाऱ्या शाहीनचं, शाहीद आफ्रिदीशी नातं काय?
इंग्लंड संघाची ताकद वाढणार, सर्वात बलाढ्य खेळाडू संघात परतणार
(In Bangaldesh vs Sri lanka match lahiru kumara and liton das fined for breaching icc code of conduct)