IPL 2024 : आयपीएल स्पर्धेत भारताच्या अनकॅप्ड खेळाडूंची चमकदार कामगिरी, वाचा कोण कोण आहे
आयपीएल स्पर्धा एक एक सामना करत पुढे चालली आहे. प्रत्येक सामन्यात काहीतरी नविन पाहायला मिळत आहे. जयपराजयासह गुणतालिकेत उलथापालथही होत आहे. त्यात भारताच्या अनकॅप्ड खेळाडूंनी लक्ष वेधून घेतलं आहे. चला जाणून घेऊयात कोण कशी कामगिरी केली ते
IPL 2024 : भारताच्या अनकॅप्ड खेळाडूंनी लक्ष घेतलं वेधून, पाहा कोण कोण आहेत ते
- आयपीएलमध्ये आतापर्यंत झालेल्या सामनयात अनकॅप्ड खेळाडू आपली छाप पाडण्यात यशस्वी ठरले आहे. यात अनुज रावत, अभिषेक पोरेल, रमणदीप सिंग, रियान पराग, समीर रिझवी, हर्षित राणा आणि अभिषेक शर्मा यांचा समावेश आहे.
- आरसीबीकडून यष्टीरक्षक फलंदाज अनुज रावतने चांगली कामगिरी केली आहे. चेन्नई सुपर किंग्ज विरुद्ध 25 चेंडूत 48 धावांची वादळी खेळी खेळली. पण या सामन्यात आरसीबीला पराभवाचा सामना सहन करावा लागला.
- दिल्ली कॅपिटल्सचा युवा फलंदाज अभिषेक पोरेलने 320 च्या स्ट्राइक रेटने 10 चेंडूत नाबाद 32 धावा केल्या. या कालावधीत त्याच्या बॅटमधून 4 चौकार आणि 2 षटकार मारले गेले.
- कोलकाता नाइट रायडर्सचा मधल्या फळीतील फलंदाज रमनदीप सिंगनेही लक्ष वेधून घेतलं. पहिल्याच सामन्यात त्याने 17 चेंडूत 35 धावा केल्या. तसेच एक चौकार आणि 4 षटकारही मारले.
- राजस्थान रॉयल्सचा युवा फलंदाज रियान परागला या मोसमात चौथ्या क्रमांकावर बढती मिळाली आहे. रियानने लखनौ सुपरजायंट्सविरुद्ध 29 चेंडूंत 43 धावा केल्या, तर दिल्ली कॅपिटल्सविरुद्धच्या शेवटच्या सामन्यात 45 चेंडूंत 84 धावांची नाबाद खेळी केली.
- सनरायझर्स हैदराबादचा युवा फलंदाज अभिषेक शर्माने मुंबई इंडियन्सविरुद्ध 23 चेंडूत 63 धावा करत अप्रतिम खेळी खेळली. यावेळी त्याने 3 चौकारांसह 7 षटकार ठोकले.
- गुजरात टायटन्सविरुद्धच्या सामन्यात चेन्नई सुपर किंग्जचा समीर रिझवी इम्पॅक्ट प्लेयर होता आणि त्याने 6 चेंडूत 14 धावा केल्या. रशीद खानच्या चेंडूवर समीरने 2 षटकार ठोकले.
- कोलकात्याचा हर्षित राणामध्ये गोलंदाजीसोबतच खालच्या क्रमवारीतही झटपट धावा काढण्याची क्षमता आहे. राणाने सनरायझर्स हैदराबाद विरुद्ध 8.2 च्या इकॉनॉमीने 4 षटके टाकली आणि 33 धावांत 3 बळी घेतले.