IND vs ENG | अश्विन-बेयरस्टोनंतर आणखी दोन खेळाडूंच शतक, रचला नवीन इतिहास
IND vs ENG | धर्मशाळामध्ये रविचंद्रन अश्विन आणि जॉनी बेयरस्टो आपला 100 वा कसोटी सामना खेळत आहेत. हा सामना गुरुवारी सुरु झाला होता. या टेस्टनंतर आणखी दोन खेळाडू आपली 100 वी कसोटी खेळत आहेत. क्रिकेट इतिहासात हे तिसऱ्यांदा घडलय.
IND vs ENG | धर्मशाळा येथे भारत आणि इंग्लंडमध्ये पाचवा कसोटी सामना गुरुवारपासून सुरु झाला आहे. भारताचा ऑफ स्पिनर रविचंद्रन अश्विन आणि इंग्लंडच्या जॉनी बेयरस्टोसाठी हा कसोटी सामना खूप खास आहे. कारण दोघांचा हा 100 वा कसोटी सामना आहे. हा कसोटी सामना सुरु झाल्यानंतर आज म्हणजे दुसऱ्यादिवशी आणखी दोन खेळाडू टेस्ट करिअरमधला 100 वा सामना खेळले. भारत-इंग्लंडप्रमाणे ऑस्ट्रेलिया आणि न्यूझीलंडमध्ये क्राइस्टचर्च येथे दुसरा कसोटी सामना सुरु आहे. न्यूझीलंडचा केन विलियमसन आणि टिम साउदी यांच्या करिअरमधला हा 100 वा कसोटी सामना आहे.
इंटरनॅशनल क्रिकेटमध्ये 24 तासांच्या आत चार खेळाडूंनी करिअरमधील एक मोठा टप्पा गाठला आहे. चौघेही आपला 100 वा कसोटी सामना खेळतायत. चौघांचाही हा कसोटी सामना संस्मरणीय करण्याचा प्रयत्न असेल. साऊदी आणि विलियमसन दोघांचाही न्यूझीलंडच्या महान खेळाडूंमध्ये समावेश होतो. आपला 50 कसोटी सामनाही दोघे एकत्र खेळले होते. आता 100 व्या कसोटीतही एकत्र आहेत.
या गोलंदाजाचे तिन्ही फॉर्मेटमध्ये 100 सामने
याआधी इंग्लंडचा एलेक स्टिवर्ट आणि माइक आथरटन वेस्ट इंडिज विरुद्ध 100 वा कसोटी सामना खेळले होते. त्यानंतर 2006 साली सेंच्युरियनमध्ये जॅक कॅलिस आणि शॉन पॉलक एकत्र 100 वा कसोटी सामना खेळले होते. आता या लिस्टमध्ये विलियमसन आणि साउदी यांचा समावेश झाला आहे. तिन्ही फॉर्मेटमध्ये 100-100 सामने खेळणारा साऊदी पहिला गोलंदाज आहे.
अश्विनचीच खास कामगिरी
अश्विनने 100 व्या कसोटी सामन्याच्या पहिल्या इनिंगमध्ये जबरदस्त गोलंदाजी केली. त्याने चार फलंदाजांना बाद केलं. जॉनी बेयरस्टो काही खास करु शकला नाही. तो पहिल्या इनिंगमध्ये 29 रन्सवर आऊट झाला. विलियमसन सुद्धा 100 व्या कसोटीत काही खास करु शकला नाही. तो 17 धावा करुन पॅव्हेलियनमध्ये परतला.