Priyank Panchal : रोहित शर्माची जागा घेणारा प्रियांक पांचाळ नेमका कोण? दक्षिण आफ्रिकेचं तिकीट मिळण्याचं कारण काय?
रोहित शर्माच्या जागी दक्षिण आफ्रिका अ संघाविरुद्ध चमकदार कामगिरी करणाऱ्या प्रियांक पांचाळचा कसोटी संघात समावेश करण्यात आला आहे.
मुंबई: टीम इंडियाला (Team India) ला दक्षिण आफ्रिकेच्या दौऱ्यापूर्वी मोठा धक्का बसला. भारताच्या एकदिवसीय आणि टी-20 संघाचा नवा कर्णधार आणि कसोटी संघाचा उपकर्णधार रोहित शर्माला (Rohit Sharma) दुखापत झाली आहे. सराव करताना रोहित शर्माच्या हाताला दुखापत झाली होती. स्पेशालिस्ट रघूचा चेंडू रोहित शर्माला लागला होता. रोहित शर्माच्या जागेवर प्रियांक पांचाळ (Priyank Panchal) याला संधी देण्यात आली आहे. प्रियांक पांचाळनं दक्षिण आफ्रिका अ संघाविरुद्ध चांगली कामगिरी केली होती, त्यामुळं त्याची निवड करण्यात आली आहे.
कोण आहे प्रियांक पांचाळ?
प्रियांक पाचाळ हा भारतातील देशांतर्गत क्रिकेटमधील सर्वोत्कृष्ठ सलामीवीर आहे. प्रथम श्रेणी क्रिकेटमध्ये त्यानं 100 मॅचेस खेळल्या आहेत. पांचाळनं 7 हजार धावा केल्या असून त्यानं 24 शतकं केली असून 50 अर्धशतक त्याच्या नावावर आहेत. देशांतर्गत प्रथमश्रेणी सामन्यामध्ये त्याची नाबाद 314 ही सर्वोत्कृष्ट धावसंख्या आहे.
मध्यमगती गोलंदाजीची क्षमता
प्रियांक पाचाळनं त्याच्या नेतृत्त्वात गुजरातला 2016-17 मध्ये पहिल्यांदा रणजी ट्रॉफीचं विजेतेपद मिळवून दिलं होतं. प्रियांक पांचाळ मध्यमगती गोलंदाजी देखील करतो. त्यानं 22 विकेटस देखील घेतल्या आहेत.पांचाळनं 2016-17 च्या रणजी ट्रॉफीमध्ये 542 धावा केल्या होत्या. तर, 2018-19 मध्ये 898 धावा केल्या होत्या. विजय हजारे ट्रॉफीमध्ये देखील त्यानं चांगली कामगिरी केली होती. दक्षिण आफ्रिकेच्या दौऱ्यासाठी टीम इंडियात निवड होण्यापूर्वी सय्यद मुश्ताक अली ट्रॉफीत देखील त्यानं महाराष्ट्र, केरळ, रेल्वे कडून चांगली कामगिरी केली होती. प्रियांक पांचाळनं भारत अ संघाकडून खेळताना न्यूझीलंड, श्रीलंका संघाविरुद्ध सेंच्युरी केली होती. प्रियांक पांचाळ शिवाय टीम इंडियाकडे के.एल.राहुल आणि मंयक अग्रवाल हे सलामीवीर आहेत.
इतर बातम्या:
मुंबईला 3 वेळा चॅम्पियन बनवणाऱ्या जयवर्धनेकडे श्रीलंकेला टी-20 वर्ल्ड कप जिंकवून देण्याची जबाबदारी
Priyank Panchal who replaces injured Rohit Sharma in India Test squad in IND VS SA series know about him
