Babar Azam चा कारनामा, ख्रिस गेलचा वर्ल्ड रेकॉर्ड ब्रेक, विराटला पछाडलं, नक्की काय केलं?
Babar Azam World Record : पाकिस्तानचा स्टार फलंदाज बाबर आझम याने मोठा विक्रम आपल्या नावावर केला आहे. बाबरने एका खेळीसह ख्रिस गेल, विराट कोहली यासारख्या फलंदाजांना मागे टाकलं आहे. बाबरने वर्ल्ड रेकॉर्ड मोडीत काढला आहे.
जगातील सर्वात लोकप्रिय आणि श्रीमंत टी 20I लीग स्पर्धा अर्थात आयपीएलच्या 19 व्या मोसमाचा थरार सुरु आहे. या 19 व्या मोसमात गुरुवार 9 एप्रिल पर्यंत प्रत्येक संघाने किमान 2 सामने खेळले आहेत. या स्पर्धेत एकूण 10 संघांमध्ये एका ट्रॉफीसाठी चढाओढ पाहायला मिळत आहे. तर दुसऱ्या बाजूला पाकिस्तानमध्ये पीएसएल अर्थात पाकिस्तान सुपर लीग (PSL) स्पर्धा खेळवण्यात येत आहे. या स्पर्धेदरम्यान पाकिस्तानचा अनुभवी फलंदाज आणि माजी कर्णधार बाबर आझम याने ऐतिहासिक कामगिरी केली आहे. बाबरने वर्ल्ड रेकॉर्ड ब्रेक केला आहे. बाबरने नक्की काय केलं? हे सविस्तर समजून घेऊयात.
पेशावर जाल्मीने पीएसएल 2026 च्या 17 व्या सामन्यात कराची किंग्स विरुद्ध द्विशतक झळकावलं. बाबरच्या संघाला टॉस गमावून बॅटिंगसाठी भाग पाडण्यात आलं. मात्र बाबरच्या टीमने या संधीचा फायदा घेत 200 पार मजल मारली. बाबरच्या नेतृत्वात पेशावर जाल्मीने 20 षटकांत 3 विकेट्स गमावून 246 रन्स केल्या. बाबरने पेशावर जाल्मीसाठी 51 चेंडूत नाबाद 87 धावा केल्या. बाबरने या खेळीत 2 षटकार आणि 10 चौकार लगावले. बाबरने यासह टी 20 कारकीर्दीत 12 हजार धावांचा टप्पा गाठला. बाबर टी 20 क्रिकेटमध्ये वेगवान 12 हजार धावा करणारा पहिला फलंदाज ठरला. बाबरने 343 डावांत 12 हजार धावा पूर्ण करण्याची कामगिरी केली आणि ख्रिस गेल याचा वर्ल्ड रेकॉर्ड आपल्या नावावर केला.
ख्रिस गेलचा वर्ल्ड रेकॉर्ड ब्रेक
बाबरने ख्रिस गेल याच्या तुलनेत 5 डावांआधी 12 हजार टी 20 धावा पूर्ण केल्या. गेलने 343 डावांत 12 हजार धावांचा टप्पा गाठला होता. वेगवान 12 हजार करणाऱ्या फलंदाजांच्या यादीत टीम इंडियाचा माजी फलंदाज विराट कोहली तिसऱ्या स्थानी आहे. विराटने 360 डावांत 12 हजार धावा केल्या होत्या.
टी 20 क्रिकेट आणि वेगवान 12 हजार धावा करणारे फलंदाज
बाबर आझम : 338 डाव
ख्रिस गेल : 343 डाव
विराट कोहली : 360 डाव
डेव्हीड वॉर्नर : 368 डाव
जोस बटलर : 405 डाव
कुसल मेंडीसचा शतकी तडाखा
दरम्यान पेशावर जाल्मीसाठी कुसल मेंडीस याने सर्वाधिक धावांचं योगदान दिलं. कुसलने शतक झळकावलं. कुसलने तिसऱ्या स्थानी येत ही कामगिरी केली. कुसलने 52 चेंडूत एकूण 109 धावा केल्या. कुसलने या दरम्यान 14 चौकार आणि 4 षटकार लगावले. तसेच अब्दुल समद याने फिनिशिंग टच दिला. अब्दुलने 12 बॉलमध्ये 40 रन्स केल्या. अब्दुलने या नाबाद खेळीत 4 षटकार आणि 3 चौकार लगावले.
