RCB vs KKR, IPL 2022: रोमांचक सामन्यात अखेर RCB चा तीन विकेटने विजय

शेवटच्या षटकापर्यंत रंगललेल्या सामन्यात अखेर आरसीबीने चार चेंडू आणि तीन विकेट राखून विजय मिळवला. दिनेश कार्तिकने आरसीबीच्या विजयावर शिक्कामोर्तब केलं. 128 या छोट्या धावसंख्येचा पाठलाग करताना आरसीबीला संघर्ष करावा लागला.

सामना रोमांचक स्थितीतमध्ये आहे. वेंकटेश अय्यरच्या षटकात हर्षल पटेलने दोन चौकार लगावले. आरसीबीला विजयासाठी 6 चेंडूत 7 धावांची आवश्यकता आहे.

टिम साउदीने एका ओव्हरमध्ये दोन महत्त्वाच्या विकेट काढल्या आहेत. रुदरफोर्ड (28) आणि वानिंदु हसरंगा (4) ची विकेट काढली.

RCB ला गरज असताना शाहबाज अहमद आऊट झाला आहे. वरुण चक्रवर्तीच्या गोलंदाजीवर 27 धावांवर शेल्डन जॅक्सनने त्याचं स्टंम्पिंग केलं. RCB ची स्थिती पाचबाद 102 आहे.

15 षटकार RCB च्या चार बाद 94 धावा झाल्या आहेत. रुदरफोर्ड 25 आणि शाहबाज अहमद 21 धावांवर खेळतोय.

तेरा षटकात RCB च्या चार बाद 86 धावा झाल्या आहेत. रुदरफोर्ड 24 आणि शहाबाज अहमद 16 धावांवर खेळतोय. डेविड विली 18 धावांवर सुनील नरेनच्या गोलंदाजीवर नितीश राणाकरवी झेलबाद झाला.

तीन विकेट झटपट गेल्यानंतर डेविड विली आणि रुदरफोर्डने डाव सावरला आहे. विली 17 आणि रुदरफोर्ड 14 धावांवर खेळतोय. RCB च्या तीन बाद 59 धावा झाल्या आहेत.

KKR एकापाठोपाठ एक आरसीबीला दणके देत आहे. आधी अनुज रावत, त्यानंतर कॅप्टन फाफ डु प्लेसिस आणि आता विराट कोहली बाद झाला आहे. विराटला 12 धावांवर उमेश यादवने विकेटकीपर शेल्डन जॅक्सनकरवी झेलबाद केले. आरसीबीच्या तीन बाद 22 धावा झाल्या आहेत.

RCB ची सुरुवात चांगली झालेली नाही. त्यांचा दुसरा विकेट गेला आहे. कॅप्टन फाफ डु प्लेसिसने अवघ्या पाच रन्सवर टिम साउदीच्या गोलंदाजीवर रहाणेकडे सोपा झेल दिला. त्याने अवघ्या पाच रन्स केल्या. आरसीबीची अवस्था तीन बाद 17 झाली आहे.

पहिल्याच षटकातील तिसऱ्या चेंडूवर अनुज रावतच्या रुपाने उमेश यादवने RCB ला पहिला झटका दिला आहे. अनुजला भोपळाही फोडता आला नाही. विराट कोहलीने मैदानावर आल्यानंतर सलग दोन चेंडूंवर दोन चौकार ठोकले. पहिल्या ओव्हरमध्ये आरसीबीच्या एकबाद 10 धावा झाल्या आहेत.

RCB च्या भेदक गोलंदाजीसमोर KKR चा डाव 128 धावात आटोपला. कोलकाताकडून आंद्र रसेलने सर्वाधिक 25 धावा केल्या. अन्य फलंदाज सपशेल अपयशी ठरले. RCB कडून वानिंदु हसरंगा, आकाश दीप आणि हर्षल पटेलने भेदक मारा केला. हसरंगाने चार, आकाश दीपने तीन आणि पटेलने दोन विकेट काढल्या.

पावरप्लेमध्ये तीन महत्त्वाचे विकेट काढल्यानंतर आनंदाने खुललेले RCB च्या खेळाडूंचे चेहरे

वानिंदु हसरंगाने कोलकाता नाइट रायडर्सला चौथा धक्का दिला आहे. टिम साउदीला हसरंगाने डु प्लेसिसकरवी झेलबाद केले. साउदीने अवघा एक रन्स केला. नऊ बाद 101 अशी कोलकाताची अवस्था आहे.

आंद्रे रसेलला हर्षल पटेलने विकेटकिपर दिनेश कार्तिककरवी झेलबाद केले आहे. रसेलने 25 धावा केल्या. रसेलकडे मोठे फटके खेळण्याची क्षमता आहे. हा केकेआरसाठी एक मोठा झटका आहे. आठ बाद 99 अशी त्यांची स्थिती आहे.

RCB च्या गोलंदाजांनी कोलकात्याची वाईट अवस्था करुन टाकली आहे. त्यांचा एकही फलंदाज खेळपट्टीवर टिकत नाहीय. हर्षल पटेलने आता सॅम बिलिंग्सला पॅव्हेलियनमध्ये धाडलं आहे. सॅमला 14 धावांवर हर्षलने कोहलीकरवी झेलबाद केले.

फिरकी गोलंदाज वानिंदु हसरंगा भेदक मारा करत आहे. शेल्डन जॅक्सनला भोपळाही फोडू न देता त्याला क्लीन बोल्ड केलं. केकेआरची स्थिती 6 बाद 70 धावा आहे.

कोलकाताला पाचवा धक्का बसला आहे. सुनील नरेनला वानिंदु हसरंगाने आकाश दीपकरवी झेलबाद केले. त्याने 12 धावा केल्या. केकेआरची सध्याची स्थिती पाच बाद 67 आहे.

कोलकाताचा डाव अडचणीत सापडला आहे. आठ षटकात KKR च्या चार बाद 58 धावा झाल्या आहेत. श्रेयस अय्यरला 13 धावांवर डि सिलिव्हाने डु प्लेसिस करवी झेलबाद केले. नितीश राणाला 10 धावांवर आकाश दीपने विलीकरवी झेलबाद केले.

अजिंक्य रहाणे स्वस्तात बाद झाला आहे. मोहम्मद सिराजने त्याला शाहबाज अहदमकरवी (9) धावांवर झेलबाद केले. केकेआरची स्थिती 5.2 षटकात दोन बाद 39 आहे.

RCB चा वेगवान गोलंदाज आकाश दीपने केकेआरला पहिला झटका दिला आहे. वेंकटेश अय्यरचा आपल्याच गोलंदाजीवर आकाश दीपने झेल घेतला. वेंकटेशने 10 धावा केल्या. केकेआरची सध्याची स्थिती 19/1 आहे.

दोन षटकात KKR च्या दहा धावा झाल्या आहेत. अजिंक्य रहाणे 2 आणि वेंकटेश अय्यर 8 धावांवर खेळतोय.

KKR ची प्लेइंग इलेवन – श्रेयस अय्यर (कॅप्टन), वेंकटेश अय्यर, अजिंक्य रहाणे, नितीश राणा, सॅम बिलिंग्स, आंद्रे रसेल, शेल्डन जॅक्सन, सुनील नरेन, टीम साउदी, उमेश यादव आणि वरुण चक्रवर्ती,

RCB ची प्लेइंग इलेवन – फाफ डु प्लेसी, अनुरा रावत, विराट कोहली, रदरफोर्ड, दिनेश कार्तिक, डेविड विली, शाहबाज अहमद, वानिंदु हसरंगा, हर्षल पटेल, मोहम्मद सिराज आणि आकाश दीप