क्रिकेट ऑन आइस, कौशिक मौलिक यांनी अनुभवला बर्फावर खेळण्याचा थरार, पाहा व्हीडिओ

st moritz cricket club special advisor kaushik moulik

Image Credit source: TV9 Marathi

क्रिकेटला कोणत्या जाती पंथाचा तसेच देशांच्या सीमांचा अडसर नसतो. क्रिकेटनिमित्ताने अनेक संघ एकत्र येतात आणि खेळतात. क्रिकेट चाहते सध्या याचाच अनुभव आयसीसी टी 20i वर्ल्ड कप 2026 स्पर्धेनिमित्ताने घेत आहेत. क्रिकेटमध्ये खेळपट्टी किती महत्त्वाची असते हे चाहत्यांना वेगळं सांगण्याची गरज नाही. ही खेळपट्टी काळ्या आणि लाल मातीची असते. खेळपट्टीनुसार सामन्याचा निकाल काय लागणार याचा साधारण अंदाज वर्तवला जातो. त्यामुळे क्रिकेट सामन्यात खेळपट्टी हा मुद्दा सर्वात निर्णायक आहे, असं म्हटलं तर वावगं ठरणार नाही. मात्र तुम्ही कधी बर्फाची खेळपट्टी पाहिलीय का? एका देशात चक्क बर्फावर खेळाडूंनी क्रिकेट खेळण्याचा अनुभव घेतला. तत्त्वज्ञ कौशिक मौलिक यांनी हा अविस्मरणीय अनुभव घेतला.

कौशिक मौलिक यांनी स्वित्झर्लंडमधील आल्प्स पर्वतरांगांच्या कुशीत वसलेल्या सेंट मॉरिट्झच्या गोठलेल्या तलावावर क्रिकेटचा आनंद घेतला. मौलिक यांच्यासाठी ही आठवण अविस्मरणीय ठरली. मौलिक यांच्यासाठी ‘क्रिकेट ऑन आइस’हा प्रकार अविस्मरणीय ठरला. मौलिक यांनी ‘क्रिकेट ऑन आइस’ निमित्ताने बर्फाची चादर पांघारलेल्या या ठिकाणी खेळाचा थरार अनुभवला. या निमित्ताने आवड असली की माणूस कोणत्या स्थितीत आणि कुठेही क्रिकेट खेळू शकतो याचा प्रत्यय आला. मौलिक यांनी ‘क्रिकेट ऑन आइस’ निमित्ताने त्यांच्या अनेक आठवणींना उजाळा दिला.

मौलिक यांनी बर्फावरुन जाणारा बॉल पाहून 1983 च्या वर्ल्ड कप विजयाच्या आठवणींना उजाळा दिला. तसेच मौलिक या ऐतिहासिक विजयाच्या आठवणीत भावूक झाले. मौलिक यांनी ‘क्रिकेट ऑन आइस’ निमित्ताने एका दिवसात असंख्य गोष्टी अनुभवल्या.

क्रिकेट ऑन आइस

कौशिक मौलिक यांची विशेष सल्लागरपदी नियुक्ती

दरम्यान कौशिक मौलिक यांची सेंट मॉरिट्झ क्रिकेट क्लबच्या विशेष सल्लागरपदी नियुक्ती करण्यात आली. सेंट मॉरिट्झ क्रिकेट क्लबकडून 4 फेब्रुवारी रोजी याबाबतची माहिती देण्यात आली. मौलिक यांची ही नियुक्ती 2026-2027 या कालावधीसाठी करण्यात आली आहे. मौलिक यांच्यावर आईस ऑन क्रिकेटला प्रोत्साहन आणि चालना देण्याची जबाबदारी असणार आहे. अशात आता येत्या चाहत्यांना क्रिकेटचा नव्या प्रकाराचा थरार अनुभवायला मिळणार आहे.