Harmanpreet Kaur: मॅच संपताच हरमनप्रीत कौर ढसाढसा रडली, नंतर भडकली अन् माईक फेकून दिला, कॅप्टन्सी सोडण्यावर म्हणाली…
Harmanpreet Kaur Interview: भारतीय संघाची झिम्बाब्वेविरुद्ध मालिका संपताच हरमनप्रीत कौर आधी भावूक झाली पण नंतर ती भडकली. याचा व्हिडिओ जोरदार व्हायरल होत आहे.
Harmanpreet Kaur After IND vs ZIM: भारतीय महिला संघाचे नेतृत्त्व स्मृती मानधनाकडे सोपवण्यात आली आहे. तिने एकदम दमदार सुरुवात केल्याचे पाहायला मिळाले. हरमनप्रीत कौरने झिम्बाब्वेविरुद्धच्या तिसऱ्या टी२० सामन्यात ९१ धावांची धडाकेबाज आणि नाबाद खेळी खेळल्यानंतर, भारतीय महिला संघाची माजी कर्णधार हरमनप्रीत कौर डावाच्या मध्यात एका मुलाखतीदरम्यान भावुक झाली. भारताला २१६/७ या विशाल धावसंख्येपर्यंत पोहोचवल्यानंतर, तिने सुरुवातीला हसतमुखाने माध्यमांशी संवाद साधला. मात्र, जसजसा संवाद पुढे सरकला, तसतसे तिच्या डोळ्यात अश्रू दाटून आले आणि तिला आपल्या भावनांवर नियंत्रण ठेवणे कठीण झाले.
कर्णधारपद सोडल्यानंतरची हरमनप्रीत कौरची पहिली मुलाखत
कर्णधारपद सोडल्यानंतरची ही हरमनप्रीत कौरची पहिली मुलाखत होती, ज्यात तिचे दुःख स्पष्टपणे दिसून येत होते. ४१ चेंडूंमध्ये १० चौकार आणि ५ षटकारांसह २२१.९५ च्या स्ट्राईक रेटने खेळलेल्या तिच्या ९१ धावांच्या खेळीने मैदानावरील तिचे फलंदाजीचे कौशल्य सिद्ध केले, परंतु मुलाखतीच्या शेवटी तिच्या डोळ्यात दाटून आलेल्या अश्रूंनी हे उघड केले की कर्णधारपदावरून पायउतार होण्याचा निर्णय तिच्यासाठी किती भावनिक होता.
मुलाखतीनंतर लगेचच, हरमनप्रीत माईक फेकून देते आणि पॅव्हेलियनमध्ये परत जाते. तिच्या या कृतीने सर्वच आश्चर्यचकित आणि भावूक झाले. हरमनप्रीत कौरची मैदानातील उत्कृष्ट कामगिरी आणि त्यानंतरची तिची भावूक मुलाखत, भारतीय महिला क्रिकेटप्रती तिची असलेली निष्ठा दर्शवते. तिचा कर्णधारपदाचा कार्यकाळ संपल्यानंतरही, मैदानाता बॅटने धुमाकुळ सुरु आहे. भारतीय संघाने तीन टी-२० सामने खेळले आणि तिन्ही सामने जिंकून मालिका जिंकली.
तिसऱ्या सामन्यात सर्वाधिक धावा या हरमनप्रीत कौरने केल्या. ९१ धावांची खेळी हरमनप्रीत कौरने खेळली. यानंतर शफाली वर्माने ६९ धावा केल्या. नंदिनी शर्माने सर्वाधिक तीन विकेट काढल्या. क्रांती गौड, अरुंधती रेड्डी, निक्की प्रसाद आणि दिप्ती शर्माने प्रत्येकी एक विकेट काढल्या. भारतीय संघाने स्मृती मानधनाच्या नेतृत्त्वात पहिलीच मालिका जिंकली. भारतीय संघाने झिम्बाब्वेविरुद्ध मालिका जिंकली.
