IND vs WI: भारतीय संघाने मालिका जिंकताच मिळाला मोठा दणका, आयसीसीने थेट कारवाई केली

IND vs WI ODI: वेस्ट इंडिजविरुद्धच्या तीन सामन्यांच्या एकदिवसीय मालिकेतील अंतिम सामन्यात भारतीय संघाला पाच गडी राखून पराभव पत्करावा लागला. शनिवार, ३ सप्टेंबर रोजी मुल्लानपूर येथे झालेल्या या सामन्यात, भारतीय संघाने वेस्ट इंडिजसमोर ३५२ धावांचे लक्ष्य ठेवले होते. जे कर्णधार शाई होपच्या नाबाद १६२ धावांच्या जोरावर १० चेंडू शिल्लक असतानाच विंडिज पूर्ण केले. भारतीय संघाने पहिले दोन सामने जिंकून मालिका आधीच आपल्या नावावर केली होती. मात्र, अंतिम सामन्यातील पराभवामुळे भारतीय संघाला वेस्ट इंडिजला क्लीन स्वीप करण्यापासून रोखले गेले.

आता, एकदिवसीय मालिकेतील अंतिम सामन्यानंतर, आयसीसीने दोन्ही संघांवर कठोर कारवाई केली आहे. भारत आणि वेस्ट इंडिज या दोन्ही संघांना त्यांच्या सामना शुल्काच्या २० टक्के दंड ठोठावण्यात आला आहे, तर आयसीसीने वेस्ट इंडिजला १० टक्के दंड ठोठावला आहे. भारत निर्धारित वेळेपेक्षा चार षटके कमी पडला, तर वेस्ट इंडिजने किमान षटकांच्या नियमाचे उल्लंघन केल्याबद्दल दोषी आढळला. आयसीसीच्या आंतरराष्ट्रीय सामनाधिकारी पॅनेलचे प्रकाश भट्ट यांनी दोन्ही संघांवर हे दंड लावले.

आयसीसी आचारसंहितेच्या कलम २.२२ नुसार, खेळाडूंना निर्धारित वेळेपेक्षा कमी टाकलेल्या प्रत्येक षटकासाठी त्यांच्या सामना शुल्काच्या ५ टक्के दंड आकारला जातो. या नियमानुसार, चार षटके कमी टाकल्याबद्दल भारताला २० टक्के आणि दोन षटके कमी टाकल्याबद्दल वेस्ट इंडिजला १० टक्के दंड आकारण्यात आला. भारत आणि वेस्ट इंडिजच्या कर्णधारांनी षटकांचा वेग कमी ठेवल्याचे आरोप मान्य केले आणि आयसीसीने प्रस्तावित केलेल्या शिक्षेला सहमती दर्शवली. दोघांनीही गुन्हे कबूल केल्यामुळे औपचारिक सुनावणीची आवश्यकता भासली नाही.

मैदानावरील पंच जयरामन मदनगोपाल आणि सॅम नोगज्स्की, तसेच तिसरे पंच शरफुद-उद-दौला इब्ने शाहिद आणि चौथे पंच वीरेंद्र शर्मा यांनी हे आरोप लावले होते. त्यामुळे, मालिकेतील शेवटच्या एकदिवसीय सामन्यानंतर, दोन्ही संघांना केवळ मैदानातील कामगिरीचीच नव्हे, तर त्यांच्या संथ षटकगतीचीही किंमत मोजावी लागली.