Ind Vs Aus | BCCI ने पेटारा उघडला, टीम इंडियाला बोनस जाहीर, जय शहांची मोठी घोषणा
बीसीसीआयचे सचिव जय शाह यांनी भारतीय क्रिकेट संघाला पाच कोटी रुपयांचा बोनस जाहीर केला (Ind Vs Aus BCCI bonus )
ब्रिस्बेन : ऑस्ट्रेलियाविरुद्धच्या चौथ्या कसोटी सामन्यात अजिंक्य रहाणेच्या (Ajinkya Rahane) टीम इंडियाने (Team India win) धडाकेबाज विजय मिळवला आहे. टीम इंडियाने पाचव्या दिवशी 3 विकेट्स राखून बाजी मारली आणि कांगारुंची घमेंड उतरवली. त्यानंतर बीसीसीआयने शाबासकी म्हणून टीम इंडियावर बक्षिसांची खैरात केली आहे. बीसीसीआयचे सचिव जय शाह यांनी तब्बल पाच कोटी रुपयांचा घसघशीत बोनस जाहीर केला. (Ind Vs Aus BCCI Secy Jay Shah announced 5 Crore as team bonus after India wins in Australia)
जय शाहांकडून पाच कोटींचा बोनस
वर्णद्वेषी टिपण्या ते प्रेक्षकांकडून शिव्यांच्या लाखोल्या, अशा अनेक प्रसंगांना तोंड दिलेल्या टीम इंडियाने, केवळ कसोटी सामनाच जिंकला असं नाही. तर कांगारुंच्या नाकावर टिच्चून चार सामन्यांची मालिकाही 2-1 अशी खिशात टाकली. त्यानंतर सर्वच स्तरातून टीम इंडियावर कौतुकाचा वर्षाव होत आहे. बीसीसीआयचे सचिव जय शाह यांनी भारतीय क्रिकेट संघाला पाच कोटी रुपयांचा बोनस जाहीर केला. “भारतीय क्रिकेटसाठी हे खास क्षण आहेत. ऑस्ट्रेलियाविरुद्ध विजय मिळवताना उत्कृष्ट कामगिरी केली” असं ट्विट जय शाह यांनी केलं आहे.
The @BCCI has announced INR 5 Crore as team bonus. These are special moments for India Cricket. An outstanding display of character and skill #TeamIndia #AUSvIND #Gabba
— Jay Shah (@JayShah) January 19, 2021
“लक्षणीय विजय. ऑस्ट्रेलियाला जाऊन अशा पद्धतीने कसोटी मालिका जिंकणे, हे भारतीय क्रिकेटच्या इतिहासात कायम स्मरणात ठेवले जाईल. बीसीसीआय पाच कोटी रुपयांचा बोनस संघाला जाहीर करत आहे. या विजयाचं मूल्य आकड्यांच्या पलिकडचं आहे. दौऱ्यावरील संघाच्या प्रत्येक सदस्याचं अभिनंदन” अशा भावना बीसीसीआयचे प्रमुख सौरव गांगुली यांनी व्यक्त केल्या. (Ind Vs Aus BCCI Secy Jay Shah announced 5 Crore as team bonus after India wins in Australia)
Remarkable win. To go to Australia & win test series in this way, will be remembered in history of Indian cricket forever. BCCI announces a Rs 5 cr bonus for team. The value of this win is beyond any number. Well done to every member of the touring party: BCCI chief
(File pic) pic.twitter.com/3G14hZCmm1
— ANI (@ANI) January 19, 2021
आयसीसीच्या क्रमवारीत अव्वल
या विजयामुळे टीम इंडिया आयसीसीच्या कसोटी क्रमवारीत अव्वल स्थानावर जाऊन पोहोचली आहे. यापूर्वी न्यूझीलंडचा संघ पहिल्या स्थानावर होता. तर ऑस्ट्रेलियाचा संघ तिसऱ्या स्थानावर आहे. ब्रिस्बेन कसोटीतील विजयासह भारतीय संघाने बॉर्डर-गावसकर ट्रॉफी मालिका 2-1 च्या फरकाने जिंकली. ऑस्ट्रेलियाला घरच्या मैदानावर धूळ चारण्याचा हा पराक्रम अनेक अर्थांनी विशेष ठरला आहे.
संबंधित बातम्या :
ब्रिस्बेन कसोटीतील टीम इंडियाच्या रोमांचक विजयानंतर ‘गॉड ऑफ क्रिकेट’ म्हणाला….
PHOTO | कांगारुंना लोळवलं, टीम इंडियाच्या धडाकेबाज विजयाचे फोटो
(Ind Vs Aus BCCI Secy Jay Shah announced 5 Crore as team bonus after India wins in Australia)