Bhuvneshwar Kumar: भुवनेश्वर कुमारने कमबॅकसाठी 15 नाही तर 78 नंबरची जर्सी का घातलेली? कारण वाचून तुम्हालाही वाटेल अभिमान

Bhuvneshwar Kumar Jersey: भारत आणि वेस्ट इंडिज यांच्यातील टी-२० मालिकेत भुवनेश्वर कुमारला गोलंदाजीची संधी मिळाली नाही, पण त्याचा नवीन जर्सी क्रमांक चर्चेचा विषय बनला. आपल्या संपूर्ण कारकिर्दीत १५ क्रमांकाची जर्सी परिधान करणाऱ्या भुवनेश्वरला या सामन्यादरम्यान ७८ क्रमांकाची जर्सी घातलेली पाहिले गेले. याचे कारण ऐकून तुम्हालाही भुवीचा हेवा वाटेल.

भुवनेश्वर जेव्हा टीम इंडियात नियमित खेळत होता तेव्हा तो १५ क्रमांकाची जर्सी घालून खेळायचा. आता कालच्या सामन्यात त्याने ७८ क्रमांक निवडला. भूवीने स्वत:चा १५ क्रमांक सोडला कारण होता गुरनू ब्रार. गुरनूर सध्या एकदिवसीय भारतीय संघाचा भाग असून तो १५ क्रमांकाची जर्सी घालतो. भुवनेश्वरने या तरुण खेळाडूसाठी आपला आवडता जर्सी क्रमांक सोडून दिला आणि तो ७८ क्रमांकाची जर्सी परिधान केलेला दिसला.

अनेक चाहत्यांनी याचा अर्थ असा लावला की, ७ आणि ८ यांची बेरीज १५ होते. त्यामुळेच भुवनेश्वरने आपल्या पुनरागमनाच्या सामन्यात ७८ क्रमांकाची जर्सी परिधान केली. गुरनूर आणि भुवनेश्वर न्यूझीलंड दौऱ्यावर भारतासाठी खेळताना दिसतील. भुवनेश्वर टी-२० संघाचा भाग आहे, तर गुरनूर एकदिवसीय संघाचा भाग आहे.

कालच्या सामन्यात चाहते भुवीच्या कमबॅकसाठी आतुर होते. त्याला प्लेइंग इलेव्हनमध्ये संधीही मिळाली पण मैदानावर येता आले नाही. चिन्नास्वामीच्या स्टेडियमवर कालचा सामना रंगला. सुरुवातीला पाऊस आल्याने सामना थोडा उशिराने सुरु झाला. पाऊस थांबताच भारताची पहिली फलंदाजी असल्याने फलंदाज मैदानावर आले. सामना सुरु झाला पण पुन्हा एकदा पावसाचे पुनरागमन झाले आणि सामना रद्द करावा लागला. यामुळे भुवीची गोलंदाजी चाहत्यांना पाहताच आली नाही.

भुवनेश्वर कुमार आता २२ ऑक्टोबर रोजी भारतासाठी खेळण्याची शक्यता आहे. भारत आणि न्यूझीलंड यांच्यातील टी-२० मालिकेतील पहिला सामना क्राइस्टचर्च येथे खेळला जाईल. कर्णधार श्रेयस अय्यर आणि प्रशिक्षक गंभीर यांनी बंगळूरुमध्ये भुवनेश्वरला अंतिम ११ खेळाडूंमध्ये समाविष्ट करण्याची घेतलेली घाई हे स्पष्टपणे दर्शवते की, न्यूझीलंडमधील पहिल्या सामन्यात त्याला संधी मिळणे निश्चित आहे. न्यूझीलंडच्या खेळपट्ट्या स्विंग आणि बाऊन्स या दोन्हींमुळे वेगवान गोलंदाजांना लक्षणीय पाठिंबा देतात. त्यामुळे, भुवनेश्वर कुमार आपल्या पुनरागमनाच्या सामन्यात उत्कृष्ट कामगिरी करू शकतो. भारत आणि न्यूझीलंड यांच्यातील पाच सामन्यांची टी-२० मालिका २२ ऑक्टोबर ते १ नोव्हेंबर दरम्यान खेळली जाईल.