Asian Games 2026: एकही चेंडू न खेळता भारत-पाकची थेट सेमीफायनलमध्ये एन्ट्री, कधी, केव्हा, कुठे भिडणार?

IND vs AFG Match: आशियाई क्रीडा स्पर्धेतील भारत आणि अफगाणिस्तान यांच्यात उपांत्यपूर्व फेरीतील सामना रंगणार होता, पण हा सामन्यात एकही चेंडू टाकला गेला नाही आणि उलट याचा फायदा भारतीय संघालाच झाला.

Asian Games 2026: एकही चेंडू न खेळता भारत-पाकची थेट सेमीफायनलमध्ये एन्ट्री, कधी, केव्हा, कुठे भिडणार?
| Updated on: Sep 28, 2026 | 11:32 AM

Asian Games 2026:  भारतीय महिला संघानी आशियाई क्रीडा स्पर्धेत चांगली कामगिरी केली आणि आशियाई क्रीडा स्पर्धेत थेट गोल्डन कामगिरी केली. आता पुरुष संघाचा सामना होणार होता पण पावसाचे विघ्न त्यात आले.  भारत विरुद्ध अफगाणिस्तान आशियाई क्रीडा स्पर्धेतील उपांत्यपूर्व फेरीचा सामना पावसामुळे रद्द करण्यात आला आहे. क्रमवारी सुधारल्यामुळे भारतीय संघाने उपांत्य फेरीतील आपले स्थान निश्चित केले आहे. यापूर्वी, पाकिस्तान विरुद्ध हाँगकाँग यांच्यातील उपांत्यपूर्व फेरीचा सामनाही एकही चेंडू न टाकता रद्द करण्यात आला होता. पाकिस्ताननेही एकही षटक न खेळता उपांत्य फेरीत प्रवेश केला होता.

भारत विरुद्ध अफगाणिस्तान आशियाई क्रीडा स्पर्धेतील उपांत्यपूर्व फेरीचा सामना कोरोगी स्पोर्ट्स पार्क स्टेडियमवर आयोजित करण्यात आला होता. हा सामना सोमवारी सकाळी १० वाजता सुरू होणार होता आणि नाणेफेक सकाळी ९:३० वाजता होणार होती. नाणेफेकीला उशीर झाला, परंतु सुमारे पाच मिनिटांनंतर सामना रद्द घोषित करण्यात आला.

क्रिकेटमध्ये हे सामान्य आहे की जर पावसामुळे सामना वेळेवर सुरू झाला नाही, तर त्याला विलंब होतो. मैदान ओले असले तरी, ते लवकर सुकवले जाते जेणेकरून सामना खेळता येईल, जरी षटके कमी करावी लागली तरी. भारत आणि जपान यांच्यातील नुकत्याच झालेल्या टी-२० सामन्यात हेच पाहायला मिळाले, जो सामना नंतर प्रत्येकी ५ षटकांचा करण्यात आला.

सोमवारी मुसळधार पाऊस सुरू होण्यापूर्वीच कोरोगी स्पोर्ट्स पार्क स्टेडियम बऱ्यापैकी ओले झाले होते. रविवारीही मुसळधार पाऊस झाला, ज्यामुळे सराव सत्रांमध्ये व्यत्यय आला. येथे जास्त आंतरराष्ट्रीय क्रिकेट सामने होत नसल्यामुळे, मैदान सुकवण्याच्या सुविधा मर्यादित आहेत आणि पाण्याचा निचरा होण्याची व्यवस्थाही चांगली नाही. आशियाई खेळांसाठी येथे एक हायब्रीड खेळपट्टी तयार करण्यात आली होती. यामुळेच, नाणेफेकीदरम्यान मुसळधार पाऊस सुरू होताच, आज सामना तिथे होणार नाही हे स्पष्ट झाले होते.

भारत आणि पाकिस्तानचा संघ सेमीफायनलमध्ये पोहोचले आहे. बांगलादेश आणि मलेशिया यांच्यातील जो संघ विजयी होईल तो पाकिस्तानशी भिडेल, तर श्रीलंका आणि नेपाळमध्ये जो संघ जिंकेल तो भारतीय संघाशी सेमीफायनलमध्ये सामना खेळेल. दोन्ही सेमीफायनलचे सामने १ ऑक्टोबर २०२६ रोजी खेळवले जातील.

Loading...
Unable to load recommendations.
Follow Us