IPL 2021 : डेव्हिड वॉर्नरसारखाच षटकार ठोकणारा खेळाडू हैदराबाद संघात दाखल, प्रतिस्पर्धी संघांसाठी धोक्याची घंटा!

Jayson Roy

मुंबई :  आयपीएलच्या 14 व्या हंगामासाठी (IPL 2021) सनरायजर्स हैदराबाद (Surisers Hydrabad) संघामध्ये डेव्हिड वॉर्नगरसारखाच सिक्सर खेचणारा इंग्लंडचा ओपनर फलंदाज जेसन रॉय (Jayson Roy) दाखल झाला आहे. आक्रमक फटके खेळण्यात आणि षटकार ठोकण्यात तो डेव्हिड वॉर्नरसारखाच (David Warner) आहे. डेव्हिड वॉर्नरच्या नेतृत्वात खेळताना मला आनंद होतोय, अशी प्रतिक्रिया जेसन रॉय याने दिली आहे.  (IPL 2021 Jayson Roy Join Surisers Hydrabad)

जेसन रॉय हैदराबाद संघात

सनरायजर्स हैदराबादने जेसन रॉयला दोन कोटी रुपयांच्या बेस प्राईसमध्ये खरेदी केलं आहे. भारताविरुद्धच्या मालिकेत जेसन रॉयची कामगिरी ठीक होती परंतु चांगल्या आणि आश्वासक सुरुवातीनंतर त्याला मोठी खेळी करण्यात त्याला अपयश आलं. जेसन रॉयने 2017 साली गुजरात लॉयन्सकडून खेळताना आयपीएलमध्ये पदार्पण केलं. तसंच 2018 मध्ये तो दिल्लीकडून खेळला.

जेसन रॉय फटकेबाजी करण्यात माहिर

इंग्लंडकडून ओपनिंगला येऊन सुरुवाचीच्या ओव्हर्समध्ये फटकेबाजी करण्यात जेस रॉय माहिर आहे. पॉवरप्लेमध्ये तो आक्रमक फटके खेळण्यात तरबेज आहे. जागेवरुन षटकार ठोकण्यातही तो माहिर आहे. चौकार आणि षटकारांनी तो अधिक धावा करतो.

जेसन रॉयची आयपीएलमधील छोटीशी कारकीर्द

जेसन रॉयने आतापर्यंत 8 मॅचेसमध्ये 179 रन्स केले आहेत. 9 मार्चपासून सुरु होणाऱ्या आयपीएल सामन्यांत हैदराबाद संघात मिशेल मार्शच्या जागी जेसन रॉयचा समावेश केला गेला आहे. मिशेल मार्श वैयक्तिक कारणांमुळे आयपीएल खेळू शकणार नाही. त्याच्या जागी जेसन रॉय खेळणार आहे.

प्रतिक्षा पहिल्या सामन्याची…

इंडियन प्रीमयर लीगचं (the Indian Premier League) यंदाचं वेळापत्रक  निश्चित झालं आहे. येत्या 9 एप्रिल ते 30 मे दरम्यान आयपीएल 2021 (IPL) सामने खेळवण्यात येणार आहेत. 14 व्या पर्वाचा थरार एकूण 51 दिवस रंगणार आहे. यादरम्यान 56 साखळी, 3 बाद फेरीतील सामने आणि अंतिम सामना असे एकूण 60 मॅचेस खेळवण्यात येणार आहेत. या मोसमात सर्व सामने हे त्रयस्थ ठिकाणी खेळवले जाणार आहेत. यामुळे कोणत्याही संघाला त्यांच्या होम ग्राऊंडचा फायदा मिळणार नाही. कोरोनामुळे साखळी फेरीतील सर्व सामन्यांचं आयोजन हे 6 शहरात करण्यात आलं आहे.

(IPL 2021 Jayson Roy Join Surisers Hydrabad)

हे ही वाचा :

IPL 2021 : आयपीएलमध्ये हे 5 बॅट्समन धावांचा पाऊस पाडू शकतात!

IPL 2021 : चेतेश्वर पुजाराचे उत्तुंग षटकार, नेटकरी म्हणतात, धोनीच्या संगतीचा परिणाम?

IPL 2021 : आयपीएलमधली सगळ्यात खतरनाक टीम कोणती?, आकाश चोप्राचं नेमकं उत्तर!