MI vs SRH, IPL 2021 Match 9 Result | हैदराबादचा सलग तिसरा पराभव, मुंबईचा 13 धावांनी शानदार विजय

ट्रेंट बोल्टने खलील अहमदला त्रिफळाचित करत हैदराबादचा संपूर्ण संघ बाद केला आहे.

हैदराबादला विजयासाठी 6 चेंडूत 16 धावांची आवश्यकता आहे. हैदराबादने 8 विकेट्स गमावल्या आहेत.

हैदराबादने सातवी विकेट गमावली आहे. ट्रेन्ट बोल्टने राशिद खानला एलबीडबल्यू आऊट केलं आहे.

हैदराबादला सहावा धक्का बसला आहे. हार्दिक पंड्याने अब्दुल समदला रन आऊट केलं आहे.

विजय शंकरने कृणाल पंड्याच्या गोलंदाजीवर 16 व्या ओव्हरमध्ये सलग 2 सिक्स लगावले.

राहुल चहरने हैदराबादला 15 व्या ओव्हरमध्ये दुहेरी झटका दिला आहे. राहुलने हैदराबादच्या विराट सिंह आणि अभिषेक शर्माला आऊट केलं.

हैदराबादचा चौथा गडी बाद झाला आहे. विराट सिंह 11 धावा करुन आऊट झाला आहे.

हैदराबादला तिसरी विकेट गमावली आहे. कर्णधार डेव्हिड वॉर्नर रन आऊट झाला आहे. वॉर्नरने चोरटी धाव घेण्याचा प्रयत्न केला. पण पॉइंटवर असलेल्या हार्दिक पंड्याच्या डायरेक्ट थ्रोमुळे वॉर्नर नॉन स्ट्राईक एंडवर रन आऊट झाला.

हैदराबादने दुसरी विकेट गमावली आहे.  मनिष पांडेच्या रुपात हैदराबादला दुसरा झटका बसला आहे. मनिष पांडेने 2 धावा केल्या.

हैदराबादला पहिला झटका बसला आहे. जॉनी बेयरस्टो स्वत:च्या चुकीने हिट विकेट आऊट झाला आहेे. बेयरस्टोने 43 धावांची खेळी केली.

हैदराबादने पावर प्लेच्या 6 ओव्हरमध्ये बिनबाद 57 धावा केल्या आहेत. जॉनी बेयरस्टो आणि डेव्हिड वॉर्नर ही जोडी खेळत आहे.

विजयी धावांचं पाठलाग करताना हैदराबादची शानदार सुरुवात झाली आहे. जॉनी बेयरस्टो आणि कर्णधार डेव्हिड वॉर्नर या सलामी जोडीने अर्धशतकी भागीदारी केली आहे. बेयरस्टो चांगलीच फटकेबाजी करत आहे.

जॉनी बेयरस्टोने तिसऱ्या ओव्हरच्या तिसऱ्या चेंडूवर ट्रेन्ट बोल्टच्या गोलंदाजीवर सिक्स खेचला. त्याआधीच्या पहिल्या 2 चेंडूत सलग 2 चौकार लगावले.

जॉनी बेयरस्टोने तिसऱ्या ओव्हरच्या पहिल्या आणि दुसऱ्या चेंडूवर सलग 2 चौकार लगावले आहेत.

हैदराबादच्या बॅटिंगला सुरुवात झाली आहे. डेव्हिड वॉर्नर आणि जॉनी बेयरस्टो ही सलामी जोडी मैदानात खेळत आहेत. हैदराबादला  विजयासाठी 151 धावांची आवश्यकता आहे.

मुंबई इंडियन्सने सनरायजर्स हैदराबादला विजयासाठी 151 धावांचे आव्हान दिले आहे. मुंबईने निर्धारित 20 ओव्हरमध्ये 5 विकेट्स गमावून 150 धावा केल्या. मुंबईकडून क्विंटन डी कॉकने सर्वाधिक 40 धावा केल्या. तर कर्णधार रोहित शर्माने 32 धावांची खेळी केली. तसेच कायरन पोलार्डने नाबाद 35 रन्स केल्या. हैदराबादकडून मुजीब उर रेहमान आणि विजय शंकरने प्रत्येकी 2 विकेट्स घेतल्या.

पोलार्डने सामन्यातील 20 व्या ओव्हरच्या शेवटच्या 2 चेंडूत 2 सिक्स लगावले. त्यामुळे मुंबईला 150 धावांचा टप्पा गाठता आला. पोलार्डने नाबाद 35 धावांची खेळी केली.

विजय शंकरने कायरन पोलार्डला जीवनदान दिले आहे. सामन्यातील 19 व्या ओव्हरच्या तिसऱ्या चेंडूवर पोलार्डला जीवनदान मिळाले. पोलार्ड तेव्हा 18 धावांवर खेळत होता.

मुंबईने चौथा विकेट गमावली आहे. इशान किशन आऊट झाला आहे. इशानने 12 धावा केल्या.

मुंबईने तिसरी विकेट गमावली आहे. क्विटंन डी कॉक आऊट झाला आहे. डी कॉकने 40 धावांची खेळी केली.

मुंबईने 12 ओव्हरनंतर 2 विकेट्स गमावून 89 धावा केल्या आहेत. मैदानात क्विंटन डी कॉक आणि इशान किशन खेळत आहेत.

मुंबईने दुसरी विकेट गमावली आहे. सूर्यकुमार यादव आऊट झाला आहे. सूर्याने 10 धावा केल्या.

सूर्यकुमार यादवने सामन्यातील 8 ओव्हरच्या दुसऱ्या चेंडूवर विजय शंकरच्या गोलंदाजीवर सिक्स लगावला.

चांगल्या सुरुवातीनंतर मुंबईला पहिला धक्का बसला आहे. फटकेबाजी करत असलेला रोहित शर्मा कॅच आऊट झाला आहे. रोहितने 32 धावांची खेळी केली.

मुंबईच्या  क्विंटन डी कॉक आणि रोहित शर्मा या सलामी जोडीने शानदार सुरुवात केली आहे. या दोघांनी अर्धशतकी भागीदारी केली आहे. मुंबईने पावर प्लेच्या पहिल्या 6 ओव्हरमध्ये 53 धावा केल्या.

रोहित शर्माने भुवनेश्वर कुमारच्या गोलंदाजीवर सामन्यातील चौथ्या ओव्हरच्या 5 व्या चेंडूवर सिक्स खेचला आहे. रोहित चांगल्या फॉर्मात दिसत आहे.

रोहित शर्माने सामन्यातील तिसऱ्या ओव्हरच्या 5 व्या चेंडूर मुजीब उर रहमानच्या गोलंदाजीवर सिक्स खेचला.

क्विंटन डी कॉक आणि मुंबईची चौकाराने सुरुवात सुरुवात झाली आहे. क्विंटनने भुवनेश्वर कुमारच्या पहिल्याच चेंडूवर चौकार लगावला.

मुंबई इंडियन्सच्या बॅटिंगला सुरुवात झाली आहे. क्विंटन डी कॉक आणि रोहित शर्मा ही सलामी जोडी मैदानात खेळत आहे.

डेव्हीड वॉर्नर (कर्णधार), जॉनी बेयरेस्टो (विकेटकीपर), मनीष पांडे, विजय शंकर, विराट सिंह, अब्दुल समद, अभिषेक शर्मा, राशिद खान, भुवनेश्वर कुमार, खलील अहमद आणि मुजीब-उर-रहमान

रोहित शर्मा (कर्णधार), क्विंटन डी कॉक (विकेटकीपर), सूर्यकुमार यादव, इशान किशन, हार्दिक पंड्या, कायरान पोलार्ड, कृणाल पंड्या, राहुल चहर, ऐडम मिल्न, ट्रेन्ट बोल्ट आणि जसप्रीत बुमराह.

या सामन्यासाठी दोन्ही संघात बदल करण्यात आले आहेत. मुंबईत 1 बदल करण्यात आला आहे. वेगवान गोलंदाज मार्को यानसनच्या जागी एडम मिल्नला संधी दिली आहे. तर हैदराबादने एकूण 4 बदल केले आहेत. संघात अभिषेक शर्मा, विराट सिंह, खलील अहमद आणि मुजीब उर रहमानला संधी देण्यात आली आहे. विराट सिंहचं यानिमित्ताने पदार्पण ठरलं आहे. तर मुजीबचा हैदराबादसाठीचा पहिलाच सामना आहे.

कर्णधार रोहित शर्मा आणि टीम मॅनेजमेंटने एका खेळाडूला पदार्पणाची संधी दिली आहे. न्यूझीलंडचा वेगवागन गोलंदाज एडम मिल्नला संधी देण्यात आली आहे. त्यामुळे त्याचं हे डेब्यू ठरला आहे. रोहितने एडमला मुंबईची कॅप देत त्याचं स्वागत केलं.

मुंबई इंडियन्सने टॉस जिंकला आहे. रोहित शर्माने प्रथम फलंदाजी करण्याचा निर्णय घेतला आहे.

आयपीएलच्या 14 व्या मोसमात आज मुंबई इंडियन्स विरुद्ध सनरायजर्स हैदराबाद यांच्यात लढत रंगणार आहे.