नवी दिल्ली : 23 वर्षीय एलिना 2011 पासून विम्बल्डन (Wimbledo 2022 Final) जिंकणारी सर्वात तरुण महिला ठरली आहे. एलिना रिबाकिनाने (Elena Rybakina) अंतिम फेरीत (Final) जागतिक क्रमवारीत दुसऱ्या क्रमांकावर असलेल्या ओन्स जबेउरचा पराभव करून पहिलं विम्बल्डन विजेतेपद पटकावलंय. दोन तासांपेक्षा जास्त काळ रंगलेल्या या लढतीत रायबाकिनानं 3-6, 6-2, 6-2 असा विजय मिळवलाय. यासह ती ग्रास कोर्ट स्लॅम जिंकणारी कझाकिस्तानची पहिली खेळाडू ठरली आहे. कझाकस्तानच्या कोणत्याही पुरुष किंवा महिला एकेरी खेळाडूने शनिवारपूर्वी एकेरी गटात कोणतेही मोठे विजेतेपद जिंकले नव्हते. विशेष म्हणजे या शानदार विजयासाठी रिबाकिनाने संपूर्ण स्पर्धेत फक्त दोन सेट गमावले. रिबाकिनाच्या या पराक्रमाच्या वाटेत रिबाकिना एकेरी ग्रँड स्लॅम विजेतेपद जिंकणारी पहिली कझाक टेनिसपटू ठरली आहे.
The calmest Wimbledon celebration in history? ?
All business for Elena Rybakina… #Wimbledon | #CentreCourt100 pic.twitter.com/mSBot25dmX
हे सुद्धा वाचा— Wimbledon (@Wimbledon) July 9, 2022
त्यानंतर तिसऱ्या सेटमध्ये देखील तिनं दुसऱ्या सेट प्रमाणेच काम केलं. तिसऱ्या सेटमध्ये दुसऱ्या प्रमाणेच सुरुवात करत 23 वर्षीय खेळाडूनं पुन्हा एकदा तिच्या प्रतिस्पर्ध्यांची दोनदा सर्व्हिस मोडून सेट 6-2 असा जिंकला आणि तिच्या पहिल्या ग्रँड स्लॅम एकेरी विजेतेपदावर शिक्कामोर्तब केले. दरम्यान पराभूत होऊनही जबेउरने इतिहास रचला आणि ग्रँड स्लॅमच्या शिखर लढतीत पोहोचणारी पहिली अरब आणि आफ्रिकन महिला बनली.