मुंबई: मध्य प्रदेशची पॅरा कॅनो खेळाडू (Para Cano Player) प्राची यादवने (Prachi Yadav) पॅरा कॅनो वर्ल्ड कपमध्ये इतिहास रचला. तिने भारतासाठी कास्यपदक मिळवलं. पोलंडच्या पोजनन शहरात या स्पर्धेचं आयोजन करण्यात आलं आहे. तिने महिलांच्या 200 मीटर वीएल-2 इवेंटमध्ये हे यश मिळवलं. कयाकिंग आणि कॅनोइंगमध्ये पदक जिंकणारी प्राची भारताची पहिली खेळाडू बनली आहे. याआधी प्राचीने टोक्यो पॅरालिंपिक स्पर्धेच्या सेमी फायनलमध्ये (Semi final) स्थान मिळवलं होतं. प्राचीने 1:04.71 सेकंदाच्या वेळेसह कास्यपदक मिळवलं. कॅनडाच्या ब्रिआना हेनेसी प्राचीपेक्षा पुढे होती. तिने 1:01.58 सेकंदाच्या वेळेसह रौप्यपदक मिळवलं. ऑस्ट्रेलियाच्या सुजैन सायपेलने 1:01.54 सेकंदाच्या वेळेसह सुवर्णपदकाला गवसणी घातली. कयाकिंग आणि कॅनोइंग या क्रीडा प्रकारात भारताकडून हे आतार्यंतचं सर्वोत्तम प्रदर्शन आहे. 26 मे रोजी या स्पर्धेची सुरुवात झाली होती.
प्राची यादवचं छोट्या आकाराच्या तलावामध्ये मागच्या चार वर्षांपासून कठोर प्रशिक्षण सुरु आहे. प्राचीने लॉक डाउमध्येही विशेष परवानगी घेऊन आपली ट्रेनिंग सुरुच ठेवली होती. प्राचीचे कोच मयंक ठाकूर यांनी तिच्या प्रदर्शनावर आनंद व्यक्त केला. प्राची भरपूर मेहनत आहे. ती आपलं सर्व लक्ष खेळावरच केंद्रीत करते, असं ठाकूर म्हणाले.
पुरुष वर्गाच्या 200 मीटर शर्यतीत के वीएल 2 इवेंटमध्ये मंजीत सिंह फायनलमध्ये जागा बनवण्यात यशस्वी ठरले. अन्य खेळाडू जयदीप सुद्धा 200 मीटर रेसमध्ये वीएल 3 इवेंटमध्ये सहभागी झाला होता. जयदीप सुद्धा सेमी फायनलमध्ये पोहोचण्यात यशस्वी ठरला.