Rohit Sharma Video: रोहित शर्मा बसमधून खाली पडला, सर्व मदतीला धावून आले, पण विराट मात्र पाहतच राहिला…Video Viral

Rohit Sharma Video Viral: भारत आणि वेस्ट इंडिज यांच्यात वनडे सामन्यांची मालिका सुरु असून पहिला सामना हा काल रंगला. या सामन्यात भारतीय संघाचा विजय झाला. या सामन्यात विराट कोहली आणि शुभमन गिल या दोघांनीही शतक झळकावले. आता सामना संपल्यानंतर जेव्हा टीम बसने खेळाडू हॉटेलला जात होते तेव्हा मात्र रोहित शर्मासोबत एका अपघात झाल्याचे वृत्त समोर आले आहे.

रोहित शर्माचा व्हिडिओ व्हायरल

रोहित शर्माचा एक व्हिडिओ आता जोरदार व्हायरल होत आहे, ज्यामध्ये तो बसमधून उतरताना घसरला. तो घसरत आहे हे या व्हायरल व्हिडिओमध्ये स्पष्टपणे दिसत आहे. हॉटेलवर पोहोचल्यानंतर टीम बसमधून उतरत असताना हे घडल्याचे समजत आहे. रोहित पायऱ्यांजवळ पोहोचताच तो वाईट रीतीने घसरतो. रोहितला पडताना पाहून, तिथे उपस्थित असलेले सुरक्षा कर्मचारी त्याच्या मदतीसाठी धावून येतात.

Rohit Sharma 𝗦𝗹𝗶𝗽𝗽𝗲𝗱 from the Bus 😱

While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥

– Everyone was celebrating India’s win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb

— Mukku (@Cric_Mukku) September 28, 2026

रोहितची अवस्था पाहून विराटही चिंतेत

बसमधून घसरल्यानंतर रोहितला किती गंभीर दुखापत झाली हे अद्याप कळलेले नाही, पण त्यामुळे विराट कोहलीच्या चेहऱ्यावरचा रंग उडाल्याचे दिसत आहे. विराट पुढे गेला होता, पण मागे रोहित पडल्याचे त्याला समजताच त्याने मागे वळून पाहिले. तो कासावीस झाल्याचेही त्याच्या चेहऱ्यावरुन स्पष्टपणे दिसत आहे. पण दूर उभा असल्याने तो काही करु शकला नाही. आता रोहितला दुखापत झाली का? आणि जर झाली तर ती दुखापत किती गंभीर आहे? जर गंभीर असेल तर त्याला पुढील सामन्यात खेळता येणार की नाही? असे सर्व प्रश्न आता चाहत्यांचा मनात निर्माण झाले आहेत. ३० सप्टेंबर २०२६ ला दुसरा वनडे सामना खेळवला जाणार आहे. वेस्ट इंडिजविरुद्धचा दुसरा सामना हा गुवाहाटीमध्ये खेळवला जाईल.

पहिल्या एकदिवसीय सामन्यात भारताने वेस्ट इंडिजला ८ गडी राखून पराभूत केले. भारताच्या विजयात रोहित शर्माचे योगदान ३२ धावांचे होते, ज्या त्याने ३५ चेंडूंमध्ये ३ षटकार आणि २ चौकारांच्या मदतीने केल्या. रोहितने शुभमन गिलसोबत ७४ धावांची सलामीची भागीदारी केली.