Vaibhav Sooryavanshi: अरे भाई खरं बोलतोय! अंपायरला खरं पटवून देण्यासाठी वैभवने मैदानात घेतली आईची शप्पथ
Vaibhav Sooryavanshi Duleep Trophy Final: वैभव सूर्यवंशीच्या दुलीप ट्रॉफीच्या फायनल सामन्यात राडा झाल्याचे पाहायला मिळाले.
दुलीप ट्रॉफीच्या स्पर्धेत साऊथ झोन आणि ईस्ट झोन संघात फायनलचा सामना सुरु आहे. या सामन्यात पूर्व विभागाच्या संघाने पहिल्या डावात 708 धावा केल्या आहेत.
दरम्यान तिसऱ्या दिवसाच्या खेळाच्या दिवशी मैदानात मोठा ड्रामा झाला. अंपायरने वैभव सूर्यवंशीच्या टीमच्या एका गोष्टीवर आपला आक्षेप घेतला. वैभवच्या टीमचे काही बॉलर जसे मोहम्मद शमी आणि मुकेश कुमार आणि इतरही बॉलला घाम लावून गोलंदाजी करत होते. ही गोष्ट अंपायरला कळताच त्यांनी टीमशी चर्चा केली.
यावेळी अंपायर मोहम्मद शमी, मुकेश कुमार आणि कॅप्टन वैभव सूर्यवंशीची चर्चा करताना दिसले. तुम्ही बॉलला तुमचा घाम लावताय असे अंपायरने त्यांना विचारले. पण वैभवने आणि मोहम्मद शमीने या गोष्टीला नकार दिल्याचे समजत आहे.
दरम्यान एका पॉईंटला तर आपण खरं बोलतोय हे अंपायरला पटवून देण्यासाठी वैभव सूर्यवंशीने चक्क आईची शपथ खाल्ल्याचेही दिसले मी बॉल उलट पँटच्या मागच्या बाजूला घासतोय हे सांगण्याचा त्याने प्रयत्न केला. वैभवच्या टीमच्या खेळाडूंशी अंपायरने चर्चा केल्यानंतर पुन्हा खेळाला सूरुवात झाली.
या घटनेमुळे मैदानात खेळाडू आणि अंपायर यांच्यात बराच राडा झाल्याचे पाहायला मिळत आहे.
