जिवंतपणी स्वर्ग बघायचा असेल तर भारतातील हे ठिकाण आहे बेस्ट, पाहण्यासाठी प्रचंड गर्दी, त्यापुढे शिमला-मनाली फेल
राज्यात उष्णतेमध्ये मोठ्या प्रमाणात दिवसेंदिवस वाढ होताना दिसत आहे. अशातच तुम्हाला देखील ठंड आणि निसर्गरम्य ठिकाणी जाण्याचं मन करत असेल तर शिमला-मनाली पेक्षाही सुंदर या भारतातील ठिकाणाला नक्की भेट द्या.
शिमला-मनालीसारखी प्रसिद्ध हिल स्टेशन्सदेखील फिकी पडतील अशी काही ठिकाणे केरळमध्ये आहेत. नैसर्गिक सौंदर्य, हिरव्यागार टेकड्या, धुक्याची चादर आणि चहाच्या मळ्यांनी नटलेली ही ठिकाणे पर्यटकांना अक्षरशः मंत्रमुग्ध करतात.
धुक्याने वेढलेल्या डोंगररांगा आणि हिरव्यागार जंगलांसाठी वायनाड प्रसिद्ध आहे. शांत वातावरण, धबधबे आणि नैसर्गिक सौंदर्य अनुभवायचे असेल तर वायनाड उत्तम पर्याय आहे.
चहाच्या बागा आणि नयनरम्य टेकड्यांसाठी मुन्नार ओळखले जाते. थंड हवामान आणि सुंदर दृश्यांमुळे हे ठिकाण नवविवाहित जोडप्यांपासून ते कुटुंबांसाठीही आकर्षणाचे केंद्र आहे.
वागामोन हे केरळमधील सर्वात सुंदर आणि शांत हिल स्टेशनपैकी एक मानले जाते. हिरव्या कुरणांनी वेढलेले हे ठिकाण ट्रेकिंग आणि निसर्गभ्रमंतीसाठी उत्तम आहे.
इडुक्की जिल्हा आपल्या घनदाट जंगलांसाठी आणि डोंगराळ प्रदेशासाठी प्रसिद्ध आहे. येथे निसर्गाची अनोखी किमया अनुभवता येते. शांतता आणि साहस दोन्ही गोष्टींचा संगम येथे पाहायला मिळतो.
