Diwali Shopping : दिवाळीच्या शॉपिंगसाठी मुंबईतील बेस्ट मार्केट, 100 रुपयांपासून मिळतील वस्तू
Diwali Shopping : दिवाळी आता पुढच्या महिन्यात आहे. म्हणून शॉपिंग करायची तरी कुठून असा प्रश्न अनेकांना पडला असेल. तर जाणून घ्या मुंबईतील असे काही मार्केट जेथून तुम्ही कमी पैशांत चांगली शॉपिंग करु शकता. फक्त 100 रुपयांपासून तुम्हाला या मार्केटमध्ये वस्तू मिळतील...
Diwali Shopping : दिवाळी म्हटलं तर सगळ्यांचा दिवाळा निघतो. नवीन कपडे, दागिने, घरातील सजावटीच्या वस्तू अनेक वस्तूंची खरेदी करण्यासाठी आपण मार्केटमध्ये जातो. पण कोणत्या मार्केटमध्ये काय मिळेल याबद्दल फार कोणाल माहिती नसतं, म्हणून जाणून घ्या मुंबईतील असे काही मार्केट जेथे तुम्हाला कमी पैशांमध्ये चांगल्या वस्तू मिळतील. मुंबईत अशी अनेक ठिकाणं आहेत जिथे तुम्ही तुमच्या खरेदीच्या इच्छा पूर्ण करू शकता. तर जाणून घ्या, दिवाळीसाठी मुंबईतील सर्वोत्तम खरेदीची ठिकाणं कोणती आहेत.
लोहार चाळ :मुंबईतील काळबादेवी भागातील लोहार चाळ बाजार कदाचित फारसा प्रसिद्ध नसेल, तरीही येथे फार कमी दरात दर्जेदार वस्तू मिळतात. विविधतेच्या बाबतीतही हा बाजार मागे नाही. ही एक होलसेल बाजारपेठ असल्याने, येथे अनेक प्रकारच्या वस्तू कमी दरात खरेदी करता येतात. तसेच, येथे दिवे, पणत्या आणि सजावटीच्या वस्तूंचे अनेक प्रकार व डिझाइन्सही उपलब्ध आहेत.
माटुंगा (सेंट्रल) मार्केट : गजबजलेल्या दादर मार्केटपासून अगदी जवळच असलेलं माटुंगा (सेंट्रल) मार्केट हे सजावटीच्या दिव्यांसारख्या वस्तूंच्या खरेदीसाठी एक उत्तम ठिकाण आहे. दिवाळीच्या काळात येथे विक्रेते उच्च दर्जाचे दिवे अवघ्या 100 रुपयांपासून उपलब्ध करून देतात, ज्यामुळे तुम्ही तुमच्या घराला उजळवून टाकण्यासाठी हव्या तितक्या लाइट्स खरेदी करू शकता.
भुलेश्वर मार्केट : तुमचं घर आणि ऑफिस यांना उत्सवाचं स्वरूप देण्यासाठी मुंबईतील भुलेश्वर मार्केटसारखी दुसरी उत्तम जागा कदाचित नाही. येथे तुम्हाला दिवे, सजावटीच्या वस्तू, रांगोळीचे रंग, स्टेन्सिल्स, स्टिकर्स आणि पणत्यांची मोठी विविधता पाहायला मिळेल, ज्यातून तुम्ही तुमच्या आवडीनुसार निवड करू शकता.
हिल रोड, वांद्रे : वांद्रे येथील ‘हिल रोड’ ही खरेदीसाठी एक उत्तम जागा असून, येथे प्रत्येक बजेटला साजेसी खरेदी करता येते. दिवाळीनिमित्त तुम्ही तुमच्या पसंतीनुसार महागड्या बुटीक्समध्ये किंवा रस्त्याकडच्या विक्रेत्यांकडे जाऊन खरेदी करू शकता. खरेदीनंतर, तुम्ही प्रसिद्ध ‘हर्ष बेकरी’मधील चविष्ट बर्गरचा आस्वाद घेऊ शकता.
हिंदमाता मार्केट : जर तुम्ही विविध प्रकारचे कापड, साड्या, ड्रेस मटेरियल आणि भारतीय पोशाख शोधत असाल तर थेट या दादर बाजारात जा आणि तुम्हाला जे काही शोधत आहात ते तुम्हाला मिळेल. ही सर्वात मोठी आणि सर्वात जुनी घाऊक कपड्यांची बाजारपेठ आहे. लग्नाच्या खरेदीसाठी उत्तम ठिकाण. तुम्ही तुमच्या बजेटनुसार येथे खरेदी करू शकता.
