Viral video : मेंढीला गुदगुल्या का करतोय ‘हा’ कुत्रा? कारण वाचून तुम्हालाही हसायला येईल
Animal funny video : एक व्हिडिओ सध्या सोशल मीडियावर (Social media) चांगलाच व्हायरल (Viral) होत आहे, ज्यामध्ये एक कुत्रा एका मेंढीला (Sheep) अडचणीत मदत करताना दिसत आहे. मात्र, मदत करण्यासाठी कुत्रा ज्या पद्धतीचा अवलंब करतो ते पाहून तुम्हाला हसायला येईल.
Animal funny video : कुत्र्यांपेक्षा (Dog) निष्ठावान प्राणी या पृथ्वीतलावर तरी दुसरा कोणी नाही. माणसांचीही निष्ठा थोडी कमी होऊ शकते, पण कुत्र्यांची त्यांच्या मालकावरची निष्ठा काही कमी होत नाही. म्हणूनच त्यांना जगातील सर्वात निष्ठावान प्राणी म्हटले जाते. ते त्यांच्या मालकांवर जीव ओवाळून टाकतात. मालक अडचणीत आला तर त्याला संकटातून बाहेर काढण्यासाठी कुत्रे जीव ओततात. त्यावेळी त्यांच्यासमोर कसले संकट उभे आहे याची त्यांना पर्वा नसते. अशा स्थितीत सिंहही आला तर काहीही विचार न करता कुत्रे त्याचा प्रतिकार करू शकतात. मात्र, काही वेळा कुत्रे इतरांना अडचणीत पाहून मदत करण्यास मागेपुढे पाहत नाहीत. असाच एक व्हिडिओ सध्या सोशल मीडियावर (Social media) चांगलाच व्हायरल (Viral) होत आहे, ज्यामध्ये एक कुत्रा एका मेंढीला (Sheep) अडचणीत मदत करताना दिसत आहे. मात्र, मेंढीला मदत करण्यासाठी कुत्रा ज्या पद्धतीचा अवलंब करतो ते पाहून तुम्हाला नक्कीच हसायला येईल.
करतो गुदगुल्या
व्हिडिओमध्ये तुम्ही पाहू शकता, की झाडाच्या फांदीमध्ये एक मेंढी अडकली आहे आणि एक कुत्रा तिच्या मदतीला येतो. मेंढीला तिथून बाहेर काढण्यासाठी, कुत्रा प्रथम तिला पुढे ढकलतो, परंतु जेव्हा तो त्यात अपयशी ठरतो, तेव्हा तो एक मजेदार युक्ती वापरतो. तो पलीकडून येतो आणि मेंढीला गुदगुल्या करू लागतो, त्यामुळे मेंढी उडी मारते आणि त्यामुळे तीही संकटातून बाहेर पडते आणि घाईघाईत तिथून पळून जाते.
इन्स्टाग्रामवर शेअर
हा मजेदार व्हिडिओ इन्स्टाग्रामवर koyun_kangal नावाने शेअर करण्यात आला आहे, ज्याला आतापर्यंत 4.2 मिलियन म्हणजेच 42 लाख व्ह्यूज मिळाले आहेत, तर 58 हजारांहून अधिक लोकांनी व्हिडिओला लाइकदेखील केले आहे. त्याचबरोबर हा व्हिडिओ पाहून लोकांनी वेगवेगळ्या प्रतिक्रिया दिल्या आहेत. मेंढ्यांना यशस्वीरित्या वाचवल्याबद्दल लोकांनी कुत्र्याचे कौतुक केले आणि त्याचवेळी, त्याने वापरलेल्या युक्तीवर हसले.