Video: गुजरातमध्ये नवरात्रीत कोरोनाला हरवणारा गरबा, पीपीई कीट घालून केलेल्या गरब्याचा व्हिडीओ व्हायरल
गरबा खेळताना सोशल डिस्टंसिंग पाळणं शक्य नसतं, म्हणून गुजरातच्या काही मुलींनी चक्क पीपीई कीट घालून गरबा खेळण्याचा आनंद लुटला.
गरबा-दांडियाशिवाय नवरात्रीचा सण अपूर्ण मानला जातो. गुजरातमध्ये तर याची वेगळीच धूम असते. 9 दिवस चौकाचौकात इथं गरबा आणि दांडिया खेळला जातो. पण यावेळीही नवरात्रीवर कोरोनाचं सावट आहे. त्यामुळे प्रशासनाने जास्त लोकांना जमण्यास बंदी केली आहे. हेच पाहता गुजरातच्या काही तरुणींनी एक वेगळा मार्ग अवलंबला आणि गरब्याचा आनंद लुटला. सध्या हा व्हिडीओ सोशल मीडियावर चांगलाच व्हायरल होत आहे. ( Girls performed garba dance wearing ppe kits video goes viral on social media)
गरबा खेळताना सोशल डिस्टंसिंग पाळणं शक्य नसतं, म्हणून गुजरातच्या काही मुलींनी चक्क पीपीई कीट घालून गरबा खेळण्याचा आनंद लुटला. या व्हिडीओमध्ये तुम्ही पाहु शकता की, पीपीई कीट घालून या मुली गरबा खेळत आहेत. गरबा खेळण्यासाठी खास पांढऱ्या रंगाची ही पीपीई कीट मुलींनी बनवून घेतली.
व्हिडीओ पाहा:
नवरात्र हा गुजरातमधील सर्वात लोकप्रिय सणांपैकी एक. इथला गरबा जगभरात प्रसिद्ध आहे, जो नवरात्रीमध्ये पाहायला मिळतो. परंपरेने, महिला नृत्यांगना गरबा आणि दांडिया करताना रंगीबेरंगी कपडे घालतात. या कपड्यांना ‘चनिया चोली’ म्हणतात. पण यावेळी मुलींनी लोकांना जागरूक करण्यासाठी PPE किट घालून नृत्य केले. गरबा नृत्य पाहण्यासाठी नवरात्रीच्या काळात बरेच पर्यटक येतात. पण कोरोना विषाणूमुळे हा सण प्रभावित झाला आहे.
यंदा गुजरातमध्ये नवरात्रीची चमक थोडी कमी आहे. मात्र, तरीही लोक पूर्वीसारखाच उत्साह दाखवत आहेत. हा व्हिडिओ सोशल मीडियावर शेअर होताच बहुतेक लोकांनी त्यावर आपल्या प्रतिक्रिया नोंदवण्यास सुरुवात केली. एका वापरकर्त्याने सांगितले की कोरोनाच्या युगात अशी जागरूकता निर्माण करणे खरोखरच एक अद्भुत उपक्रम आहे. त्याच वेळी, दुसर्‍या वापरकर्त्याने सांगितले की सणांची प्रक्रिया सुरू झाली असली तरी लोकांनी सांगितलेल्या गोष्टींची आपण विशेष काळजी घेतली पाहिजे कारण कोरोनाचा धोका अद्याप टळलेला नाही.
हेही पाहा:
