Emotional video : एकदा तरी पप्पा तुम्ही या हो सणाला…; कवितेतून पोलिसानं मांडली व्यथा, ऐका
Police video : सणासुदीच्या दिवशी काम करणे कसे वाटेल? असाच एक व्हिडिओ (Video) सोशल मीडियावर (Social media) व्हायरल (Viral) झाला आहे. उत्सवातही पोलिसांना काम करावे लागते. त्यांची व्यथा कवितेतून मांडली आहे.
Police video : सणासुदीचे दिवस असले, की घराच उत्साहाचे वातावरण असते. नवनवीन स्वादिष्ट खाद्यपदार्थ, नवे कपडे असा एकूण माहौल असतो. बाहेरही तेच. बाजारपेठा सजलेल्या असतात. सर्वत्रच प्रसन्न वातावरण असते. विशेष म्हणजे आपण सर्वजण आनंदी असतो. शिवाय आपल्याला कामाला जाण्याचे टेन्शन नसते. सुट्टी असल्यामुळे आपण बिनधास्त असतो. मग विचार करा, सणासुदीच्या दिवशी काम करणे कसे वाटेल? कोणालाच काम करायला आवडत नाही. पण असे अनेक लोक आहेत, ज्यांना सुट्टीच्या दिवशीही काम करावे लागते. कदाचित रोजच्यापेक्षाही जास्त. आता विचार करा, त्यांची काय अवस्था होत असेल. पोलीस तर त्याच्यामध्ये सर्वात वर आहेत. त्यांना कोणताही सण घरच्यांसोबत साजरा करता येत नाही. कारण उत्सवाच्या दिवसात तर त्यांना अधिकचे काम करावे लागते. असाच एक व्हिडिओ (Video) सोशल मीडियावर (Social media) व्हायरल (Viral) झाला आहे.
पोलिसाचे मूल म्हणते….
व्हायरल व्हिडिओमध्ये एक पोलीस कर्मचारी दिसत आहे. तो एक गाणे गात आहे. पोलीस कर्मचाऱ्याचे आयुष्य कसे असते, हे या कर्मचाऱ्याने गाण्याच्या स्वरुपात सांगितले आहे. गाण्यामध्ये पोलिसाचे मूल आणि त्याच्या आपल्या वडिलांविषयीच्या भावना आहेत. ते मूल मनालाच बोलत असते आणि म्हणत असते, की एकदा तरी पप्पा तुम्ही या हो सणाला…
यूट्यूबवर अपलोड
वर्षभरात येणारे सण, पोलीस करत असलेली मेहनत, मिळणारा पगार या सर्व गोष्टी या गीतात मांडल्या आहेत. थोडक्यात पोलिसांच्याही काही व्यथा आहेत. त्या या व्हिडिओच्या माध्यमातून मांडल्या आहेत. यूट्यूबवर हा व्हिडिओ मीडिया मराठी (Media Marathi) या चॅनेलवर अपलोड करण्यात आला आहे. पोलिसांच्या या अडचणी ऐकून यूझर्सही भावनिक झाले आहेत.
