रिलसाठी 30 फुटांवरून नदीत कुदला, पायाचा x-ray बघा…
पुष्पेंद्र असं या युवकाचं नाव आहे. रिल बनवण्यासाठी म्हणून तो रविवारी मित्रांसोबत पाहुज धरणावर गेला होता. कॅमेऱ्यासमोर थरारक स्टंट रेकॉर्ड करण्यासाठी म्हणून तो टोकावर उभा होता.
काही सेकंदाच्या रिलसाठी 30 फूट उंचावरुन धरणात उडी मारणं एका तरुणाला चांगलचं महाग पडलं आहे. उत्तर प्रदेशात सोशल मीडियावर रिल पोस्ट करण्यासाठी तरुणाने हे उद्योग केले. पाण्यात डुंबण्यासाठी म्हणून त्याने उडी मारली पण तो खडकावर आदळला. झांसीच्या पाहुज धरणावरची ही घटना आहे. पाण्याचा अंदाज चुकल्यामुळे या 38 वर्षीय व्यक्तीचे दोन्ही पाय फ्रॅक्चर झाले आहेत. पुष्पेंद्र असं या युवकाचं नाव आहे. रिल बनवण्यासाठी म्हणून तो रविवारी मित्रांसोबत पाहुज धरणावर गेला होता. कॅमेऱ्यासमोर थरारक स्टंट रेकॉर्ड करण्यासाठी म्हणून तो टोकावर उभा होता. जवळपास 30 फूट उंचीवरुन त्याने धरणात उडी मारली.
पाण्याची पातळी कमी असल्यामुळे खोल पाण्यात जाण्याऐवजी पुष्पेंद्र खडकावर आदळला. त्याच्या दोन्ही पायाला मार लागला. खडकावर आदळल्यानंतर त्याला इतका जबर मार लागला की, तो स्वत:च्या पायावर उभा राहून पाण्याबाहेरही येऊ शकत नव्हता. त्याला उभही राहता येत नव्हतं. तो बुडण्याची भिती होती. हाताच्या आधारे तो कसाबसा तिथे टिकून राहिला. तरंगतच कसाबसा तो सुरक्षित जागी पोहोचला. लोकांनी त्याला लगेच बाहेर काढलं. पोलिसांना याची माहिती मिळाल्यानंतर ते लगेच घटनास्थळी पोहोचली.
तुझ्या आत्म्याला शांती मिळो
त्याला लगेच उपचारासाठी खासगी हॉस्पिटलमध्ये नेलं. डॉक्टरांनी एक्स रे रिपोर्ट तपासल्यानंतर पुष्पेंद्रचे दोन्ही पाय फ्रॅक्चर झाल्याचं सांगितलं. त्याच्या एका पायात रॉड टाकला. दुसऱ्या पायावरची शस्त्रक्रिया अजून बाकी आहे. हे सर्व घडत असताना पुष्पेंद्रचा मित्र या धोकादायक स्टंटचं शूटिंग करत होता. धरणात उडी मारण्याच्या काही क्षण आधीचे व्हिडिओत रेकॉर्ड झाले आहेत. तुझ्या आत्म्याला शांती मिळो असं गंमतीने हा मुलगा बोलताना दिसतो. जीव धोक्यात घालून रिल बनवण्याचे काय परिणाम आहेत ते या व्हिडिओतून दिसतं.
