#INDvPAK : मिताली ब्रिगेडनं 107 धावांनी जिंकला ’11वा खेळ’, सोशल मीडियावर मीम्स शेअर करून चाहत्यांचा विजयोत्सव
ICC Women’s World Cup 2022 : ICC महिला विश्वचषकाचा चौथा सामना 6 मार्च रोजी भारत आणि पाकिस्तान (INDW vs PAKW) यांच्यात खेळला गेला, जिथे मिताली ब्रिगेडने बिस्माह मारूफच्या पाकिस्तानचा (Pakistan) 107 धावांनी पराभव केला. यावर मीम्स व्हायरल होत आहेत.
ICC Women’s World Cup 2022 : ICC महिला विश्वचषकाचा चौथा सामना 6 मार्च रोजी भारत आणि पाकिस्तान (INDW vs PAKW) यांच्यात खेळला गेला, जिथे मिताली ब्रिगेडने बिस्माह मारूफच्या पाकिस्तानचा (Pakistan) 107 धावांनी पराभव करून ODI विश्वात विजयी सुरुवात केली. नाणेफेक जिंकून प्रथम फलंदाजी करण्याचा भारतीय कर्णधार मिताली राजचा (Mithali raj) निर्णय योग्य ठरला. फॉर्मात असलेल्या सलामीवीर स्मृती मंधाना, स्नेह राणा आणि पूजा वस्त्राकर यांच्या अर्धशतकांच्या जोरावर भारताने सुरुवातीच्या धक्क्यातून सावरले आणि सात बाद 244 धावा केल्या. प्रत्युत्तरात पाकिस्तानचा संघ 43 षटकांत 137 धावांत गारद झाला. सोशल मीडियावर चाहते खूश असून #INDvPAK हा सोशल मीडियावरही टॉप ट्रेंडिंग आहे. या हॅशटॅगवर भारतीय चाहते आपापल्या प्रतिक्रिया देत आहेत.
भारताचा पाकिस्तानवर सलग 11वा विजय
एकदिवसीय क्रिकेटमध्ये भारताचा हा पाकिस्तानवर सलग 11वा विजय आहे. या 11 पैकी मिताली राजच्या नेतृत्वाखाली पाकिस्तानवरचा हा 10वा विजय आहे.
गुणतालिकेतही मोठी झेप
या विजयासह भारताने आयसीसी महिला विश्वचषकाच्या गुणतालिकेतही मोठी झेप घेतली आहे. भारतीय संघ गुणतालिकेत अव्वल स्थानी पोहोचला आहे. पाकिस्तानला मोठ्या फरकाने पराभूत केल्यामुळे भारताची निव्वळ धावगती 2.140 आहे. दक्षिण आफ्रिकेचा महिला संघ 0.640च्या निव्वळ धावगतीसह दुसऱ्या, ऑस्ट्रेलिया 0.240सह तिसऱ्या आणि वेस्ट इंडिज 0.060सह चौथ्या क्रमांकावर आहे.
