Bank : एसबीआय ग्राहकांना आमिष पडेल महागात,रहा सावध, होऊ नका सावज..

रहा अलर्ट

Image Credit source: सोशल मीडिया

नवी दिल्ली : भारतीय स्टेट बँकेतील (State Bank Of India) खातेदारांसाठी अलर्ट (Alert) आला आहे. त्यांची फसवणूक होण्याची शक्यता आहे. त्यामुळे त्यांनी सावध राहणे आवश्यक आहे. सावधानतेने व्यवहार करणे गरजेचे आहे. पत्र सूचना कार्यालयाने (PIB) याविषयीचा इशारा दिला आहे.

तुमच्या मोबाईलवर आलेले कॉल, मॅसेज, व्हॉट्सअप आणि मेलवर आलेल्या मॅसेजवर लागलीच विश्वास ठेऊ नका. त्यातील ऑफर्स, आमिषांना बळी पडू नका. नाहीतर तुम्हाला मोठा आर्थिक फटका बसू शकतो.

सायबर भामटे खात्याची गोपनिय माहिती चोरण्यासाठी हा फंडा वापरत असल्याचे उघड झाले आहे. त्यामुळे हा सावधगिरीचा इशारा देण्यात आला आहे. त्यामुळे खातेदारांनी कोणत्याही आमिषाला बळी न पडण्याचा इशारा देण्यात आला आहे.

काही सायबर भामटे भारतीय स्टेट बँकेच्या ग्राहकांना लक्ष्य करुन आहेत. ग्राहकांना मोबाईलवर ते मॅसेज पाठवत आहेत. त्यांच्या खात्याशी जोडलेली गुप्त माहिती चोरण्यासाठी ते फंडा वापरत आहेत.

तुम्हाला खाते अपडेट करण्यासाठीची लिंक पाठविण्यात येईल. त्यासंबंधीचा फोन, एसएमएस अथवा ईमेल पाठविण्यात येईल. खाते अपडेट न केल्यास ते बंद पडण्याची भीती ग्राहकांना दाखविण्यात येत आहे. पण हा सर्व फसवणुकीचा प्रकार आहे.

त्यामुळे ग्राहकांनी अशा कोणत्याही भूलथापांना बळी न पडण्याचे आवाहन करण्यात आले आहे. तुमचे आधार कार्ड, पॅनकार्ड अथवा इतर कोणताही तपशील तुम्ही शेअर करु नका.

स्टेट बँक ऑफ इंडिया कोणत्याही ग्राहकाला त्याचा खाते क्रमांक, डेबिट, क्रेडिट कार्ड क्रमांक , मोबाईल क्रमांक अथवा इतर वैयक्तिक तपशील मागत नाही. PIB च्या फॅक्ट चेक टीमने याविषयीचा इशारा दिला आहे.