Hero Motocorp कडून मार्चमध्ये 4.50 लाख टू व्हीलर्सची विक्री, गेल्या वर्षीच्या तुलनेत मोठी घट
हिरो मोटोकॉर्पने (Hero Motocorp) गेल्या मार्च 2022 मध्ये 4,15,764 दुचाकी वाहनांची विक्री केली आहे. तर 34,390 युनिट्सची आंतरराष्ट्रीय बाजारपेठेत निर्यात करण्यात आली आहे. त्यामुळे कंपनीने एकूण 4.50 लाख युनिट्सची विक्री केली आहे.
हिरो मोटोकॉर्पने (Hero Motocorp) गेल्या मार्च 2022 मध्ये 4,15,764 दुचाकी वाहनांची विक्री केली आहे. तर 34,390 युनिट्सची आंतरराष्ट्रीय बाजारपेठेत निर्यात करण्यात आली आहे. त्यामुळे कंपनीने एकूण 4.50 लाख युनिट्सची विक्री केली आहे.
प्रातिनिधीक फोटो
गेल्या वर्षीच्या तुलनेत वर्षभराच्या वाढीचा विचार केला असता, या वर्षी कंपनीच्या विक्रीत घट झाली आहे. हिरोने गेल्या वर्षी मार्चमध्ये म्हणजेच 2021 मध्ये 5.76 लाख दुचाकी वाहनांची विक्री केली होती.
स्प्लेंडर सारख्या देशात सर्वात जास्त विकल्या जाणाऱ्या बाईकच्या निर्मात्याने म्हटले आहे की, कोरोना साथरोग निंयत्रणात आल्यानंतर आणि लॉकडाऊन हटवल्याने आता ऑटोमोबाईल बाजार रुळावर येत आहे. या वर्षी 2022-23 मध्ये कंपनी चांगली विक्री करेल अशी अपेक्षा आहे.
एप्रिल 2021 ते मार्च 2022 दरम्यान, कंपनीने नवीन Destini 125 Xtec आणि Xplus 200 4V सह अनेक उत्पादने लॉन्च केली आहेत. या गाड्यांना अजून फार लोकप्रियता लाभलेली नाही. मात्र हिरोचा सेल अजूनही स्प्लेंड, एच एफ डीलक्स, हिरो ग्लॅमर या गाड्यांवर अवलंबून आहे. विक्री अजून वाढवण्यासाठी हिरो नवनवीन प्रयोग करत आहे.
