Ola इलेक्ट्रिक स्कूटर लाँच करणार, कंपनीच्या संस्थापकांनी विचारलं तुम्हाला कोणता रंग हवा आहे?

आघाडीची कॅब सर्व्हिस प्रोव्हायडर कंपनी असलेल्या ओलाने (Ola) इलेक्ट्रिक स्कूटर लाँच करण्याची घोषणा केली आहे. कंपनी लवकरच ही इलेक्ट्रिक स्कूटर लाँच करणार आहे.

Ola इलेक्ट्रिक स्कूटर लाँच करणार, कंपनीच्या संस्थापकांनी विचारलं तुम्हाला कोणता रंग हवा आहे?
Ola Electric Scooter

मुंबई : भविष्यात मोठ्या प्रमाणात इलेक्ट्रिक वाहने (Electric Vehicles) रस्त्यांवर धावताना दिसतील, असं म्हटलं जात होतं. परंतु आता तशी परिस्थिती राहिलेली नाही. जगभरातील लोकांनी आपला मोर्चा इलेक्ट्रिक वाहनांकडे वळवला आहे. प्रदूषण आणि पेट्रोल, डिझेल यांच्या वाढत्या किंमतींमुळे लोकांचा इलेक्ट्रिक वाहनांकडे (Electric Vehicle) कल वाढत चालला आहे. देशातील काही शहरांमध्ये पेट्रोलच्या किंमती शंभरी पार (Petrol Price hike) गेल्या आहेत, तर काही शहरांमध्ये पेट्रोलच्या किंमती 90 रुपयांच्या पुढे आहेत. त्यामुळे 2021 मध्ये अनेक दिग्गज वाहन कंपन्या इलेक्ट्रिक व्हीकल लाँच करण्याच्या तयारीत आहेत. (Ola going launch E Scooter, founder asks people to suggest colors for Electric Scooter)

पूर्वी इलेक्ट्रिक वाहनांच्या बजेटमुळे लोक चिंतेत असायचे, परंतु आता तसे चित्र राहिलेलं नाही. कार/मोटारसायकल कंपन्या कमीत कमी बजेटमध्ये जास्तीत जास्त फिचर्स देणाऱ्या इलेक्ट्रिक कार्स, बाईक आणि स्कूटर लाँच करत आहेत. दरम्यान, देशातील आघाडीची कॅब सर्व्हिस प्रोव्हायडर कंपनी असलेल्या ओलाने (Ola) इलेक्ट्रिक स्कूटर लाँच करण्याची घोषणा केली आहे. कंपनी लवकरच ही इलेक्ट्रिक स्कूटर लाँच करणार आहे. अशातच ओलाचे संस्थापक भाविश अग्रवाल यांनी आपल्या पहिल्या इलेक्ट्रिक स्कूटरच्या रंगांबाबत लोकांकडून सूचना मागवल्या आहेत.

भाविश अग्रवाल यासंदर्भात ट्विट करुन लोकांना विचारलं आहे की, तुम्हाला ही इलेक्ट्रिक स्कूटर कोणत्या रंगात हवी आहे. भविश अग्रवाल यांनी ट्विटमध्ये लिहिले आहे की, “आता काही पेंट ऑर्डर करण्याची वेळ आली आहे! ओला स्कूटरवर आपल्याला कोणता रंग हवा आहे? तुम्हाला काळा रंग हवा असेल, तो आधाची निवडला आहे. तुम्हाला अजून कोणता रंग हवा आहे? दरम्यान, असे म्हटले जात आहे की, जुलैमध्ये कंपनी स्कूटरची किंमत जाहीर करू शकते.

हायपर चार्जर नेटवर्क स्थापित करण्याची तयारी

ओला इलेक्ट्रिकने भारतीय शहरांमध्ये ‘हायपर चार्जर नेटवर्क’ उभारण्याचे काम यापूर्वीच सुरू केले आहे. या नेटवर्कमध्ये भारतातील 400 शहरांमध्ये एक लाख चार्जिंग पॉईंट्सचा समावेश असेल. तर तामिळनाडूजवळील आगामी सुविधेसाठी 2,400 कोटी रुपयांची गुंतवणूक करण्याचीही कंपनीने घोषणा केली आहे.

10 हजार लोकांना रोजगार

हा प्लांट वर्षाला 20 लाख युनिट्सवर काम करणार असल्याचा कंपनीचा दावा आहे. याद्वारे सुमारे 10,000 नोकर्‍या निर्माण होतील. याला जगातील सर्वात मोठी ई-स्कूटर उत्पादन सुविधा म्हणून संबोधले जाईल, असादेखील दावा कंपनीने केला आहे.

याबाबत भाविश म्हणाले की, “आम्ही जूनपर्यंत हा कारखाना सुरू करू, ज्यामध्ये 20 लाख युनिट्स तयार करण्याची क्षमता असेल आणि पुढील 12 महिन्यांत हा कारखाना उभारल्यानंतर आम्ही रॅम्पवर उतरू. त्यानंतरच इलेक्ट्रिक स्कूटरची विक्री सुरू होईल. कारखान्याचे काम जूनमध्ये पूर्ण होईल अशी अपेक्षा आहे.”

इतर बातम्या

Ola कंपनी स्कूटरसह इलेक्ट्रिक कार लाँच करणार, कमी बजेटमध्ये जबरदस्त रेंज आणि फीचर्स

Kia च्या इलेक्ट्रिक कारचा बाजारात धुमाकूळ, अवघ्या काही तासांत सर्व युनिट्सची विक्री, 5 मिनिटांच्या चार्जिंगवर 112KM रेंज

(Ola going launch E Scooter, founder asks people to suggest colors for Electric Scooter)

Click on your DTH Provider to Add TV9 MARATHI