Amazon BFCM Sale: Amazon चा BFCM सेल 25 नोव्हेंबरपासून सुरू, 70 हजार निर्यातदारांचा सहभाग
ब्लॅक फ्रायडे आणि सायबर मंडे सेल या महिन्यात 25 नोव्हेंबरपासून सुरू होईल आणि 29 नोव्हेंबरपर्यंत चालेल. Amazon ने एका निवेदनात म्हटले आहे की, भारतीय निर्यातदार आगामी सुट्टीच्या हंगामासाठी Amazon च्या जागतिक वेबसाइट्सवर 52,000 हून अधिक नवीन उत्पादने सादर करतील.
नवी दिल्ली : ई-कॉमर्स क्षेत्रातील दिग्गज कंपनी अॅमेझॉन इंडिया ब्लॅक फ्रायडे आणि सायबर मंडे सेल दरम्यान जागतिक ग्राहकांना 70 दशलक्ष ‘मेड इन इंडिया’ उत्पादने ऑफर करणार आहेत, अशी माहिती कंपनीनं दिलीय. त्यासाठी हजाराहून अधिक भारतीय निर्यातदारांनी तयारी केलीय.
ब्लॅक फ्रायडे आणि सायबर मंडे सेल 29 नोव्हेंबरपर्यंत चालणार
ब्लॅक फ्रायडे आणि सायबर मंडे सेल या महिन्यात 25 नोव्हेंबरपासून सुरू होईल आणि 29 नोव्हेंबरपर्यंत चालेल. Amazon ने एका निवेदनात म्हटले आहे की, भारतीय निर्यातदार आगामी सुट्टीच्या हंगामासाठी Amazon च्या जागतिक वेबसाइट्सवर 52,000 हून अधिक नवीन उत्पादने सादर करतील. महाकाय ई-कॉमर्स कंपनीने सांगितले की, जगभरातील Amazon ग्राहकांना घर आणि स्वयंपाकघर, खेळणी, कपडे, आरोग्य सेवा, कार्यालयाशी संबंधित उत्पादने तसेच भारतीय निर्यातदारांनी बनवलेले दागिने आणि फर्निचर यांसारखी उत्पादने खरेदी करता येतील.
सणासुदीच्या हंगामानंतर BFCM सुरू होते
Amazon India चे अभिजित कामरा म्हणाले, “BFCM सेलची सुरुवात जागतिक सुट्टीच्या मोसमापासून होणार आहे. ही विक्री भारतात सणासुदीच्या हंगामानंतर होत आहे, जो परंपरेने आमच्या विक्रेत्या भागीदारांसाठी वाढीचा प्रमुख काळ आहे.” ते म्हणाले की, आम्हाला विश्वास आहे की 2021 BFCM विक्री आमच्या विक्रेत्यांना निर्यात व्यवसायाला गती देण्यासाठी मदत करेल.
OnePlus 9 वर 7000 रुपयांचा डिस्काऊंट
