Gita Gopinath : IMF मध्ये महिलाराज, भारतीय वंशाच्या अर्थशास्त्रज्ञ गीता गोपीनाथ यांच्याकडे महत्त्वाची जबाबदारी
जियोफ्रे ओकामोटो यांच्या जागी भारतीय वंशाच्या अर्थशास्त्रज्ञ गीता गोपीनाथ (Gita Gopinath) यांची निवड करण्यात आली आहे. गीता गोपीनाथ 21 जानेवारीला फर्स्ट डेप्युटी मॅनेजिंग डायरेक्टर या पदाचा कार्यभार स्वीकारणार आहेत.
वॉशिंग्टन : आंतरराष्ट्रीय नाणे निधी म्हणजे इंटरनॅशनल मॉनेटरी फंड (International Monetary Fund) च्या फर्स्ट डेप्युटी मॅनेजिंग डायरेक्टर जियोफ्रे ओकामोटो (Geoffery Okamoto) पुढील वर्षी राजीनामा देणार आहेत. ओकामोटो यांच्या जागी भारतीय वंशाच्या अर्थशास्त्रज्ञ गीता गोपीनाथ (Gita Gopinath) यांची निवड करण्यात आली आहे. गीता गोपीनाथ 21 जानेवारीला फर्स्ट डेप्युटी मॅनेजिंग डायरेक्टर या पदाचा कार्यभार स्वीकारणार आहेत.
एएनआयचं ट्विट
International Monetary Fund (IMF) says its First Deputy Managing Director Geoffrey Okamoto will leave the Fund early next year & Gita Gopinath, the IMF’s Chief Economist, is proposed to be the Fund’s new First Deputy Managing Director pic.twitter.com/gzZsGzrlZj
— ANI (@ANI) December 3, 2021
गीता गोपीनाथ कोण आहेत?
गीता गोपीनाथ सध्या मुख्य अर्थशास्त्रज्ञ म्हणून कार्यरत आहेत. गीता गोपीनाथ यांचे संशोधन लेख मूर्धन्य इकॉनॉमिक्स जर्नल्समध्ये प्रकाशित झाले आहेत. आयएमएफमध्ये मुख्य अर्थशास्त्रज्ञ म्हणून काम करण्याअगोदर गीता गोपीनाथ या हॉवर्ड विद्यापीठातील अर्थशास्त्र विभागातील आंतरराष्ट्रीय स्टडीज अँड इकॉनॉमिक्सच्या प्राध्यापक म्हणून कार्यरत होत्या. गीता गोपीनाथ यांची ऑक्टोबर 2018 मध्ये चीफ इकॉनॉमिस्ट म्हणून आयएमएफमध्ये निवड झाली होती. त्या जानेवारी 2022 मध्ये हॉवर्ड विद्यापीठात पुन्हा काम करण्यासाठी जाणार होत्या. गीता गोपीनाथ यांचा जन्म भारतात झाला आहे मात्र त्या अमेरिकेच्या नागरिक आहेत.
आंतरराष्ट्रीय नाणेनिधीकडून गुरुवारी ओकामोटो जानेवारीमध्ये त्यांच्या पदावरुन राजीनामा देणार आहेत. आयएमफच्या मुख्य अर्थशास्त्रज्ञ गीता गोपीनाथ त्यांच्या पदावर काम पाहतील अशी घोषणा करण्यात आली आहे. आयएमएफनं गीता गोपीनाथ यांनी त्यांच्या मुख्य अर्थशास्त्रज्ञ म्हणून असलेल्या कार्यकाळात महत्वाची भूमिका पार पाडल्याचं सांगितलं आहे. पॅनडेमिक पेपरमध्ये त्यांचं महत्त्वाचं योगदान आहे. संपूर्ण जगभरातील कोरोना विषाणू संसर्ग समाप्त करण्यासाठी काय करावं लागेल यासंबंधी त्यांनी मांडणी केली. जगभरात लसीकरण करण्याचं ठरवण्यात आलं. त्यानुसार आयएमएफ, जागतिक बँक आणि जागतिक आरोग्य संघटना यांच्या नेतृत्त्वात मल्टीलॅटरल टास्क फोर्स स्थापन करण्यात आला होता.
गीता गोपीनाथ यांची प्रतिक्रिया
गीता गोपीनाथ यांनी यांनी आयएमएफच्या फर्स्ट डेप्युटी मॅनेजिंग डायरेक्ट पदावरील निवडीबाबत आनंद व्यक्त केला आहे. महामारीच्या काळात आयएमफनं केलेलं काम अतिशय महत्त्वाचं आहे. महत्त्वाच्या आव्हानांचा सामना करण्यासाठी माझ्या सहकाऱ्यांसोबत काम करण्यास उत्सुक असल्याचं गीता गोपीनाथ यांनी म्हटलं आहे.
गीता गोपीनाथ यांचं ट्विट
I am honored to become the IMF’s First Deputy Managing Director. With the pandemic, the work of the Fund has never been more important. I look forward to working with my brilliant colleagues to help our membership face these important challenges.https://t.co/jpp3C7dRog
— Gita Gopinath (@GitaGopinath) December 2, 2021
आयएमएफ मध्ये महिलाराज
आयएमफच्या मॅनेजिंग डायरेक्टर म्हणून क्रिस्टैलिना जियोर्जिवा कार्यरत आहेत. आता जानेवारीपासून गीता गोपीनाथ या फर्स्ट डेप्युटी मॅनेजिंग डायरेक्टर पदाचा कार्यभार स्वीकारणार आहेत. यानिमित्तानं जगातील सर्वात प्रमुख आर्थिक संस्थेचा कारभार दोन महिला पाहणार आहेत. क्रिस्टैलिना जियोर्जिवा यांनी गीता गोपीनाथ यांच्या निवडीवर “द राईट पर्सन अ‌ॅट द राईट टाईम” अशी प्रतिक्रिया दिली आहे.
इतर बातम्या:
नशीबच पालटलं! IIT च्या विद्यार्थ्याला उबरकडून थेट 2 कोटींपेक्षा जास्त पगाराची ऑफर
घर खरेदी करणाऱ्यांसाठी खूशखबर, आता बिल्डरांच्या मनमानीला बसणार चाप
Gita Gopinath will succeed Geoffery Okamote as first Deputy Managing director of IMF
