येत्या 2 दिवसात PF खात्याशी निगडीत ही कामे उरका, अन्यथा खात्यात पैसे येणे बंद

Employees’ Provident Fund (EPF)

नवी दिल्लीः पीएफ खाते हे नोकरदार लोकांसाठी गुंतवणूक आणि बचतीचे साधन आहे. विशेष गोष्ट म्हणजे जेव्हा तुम्हाला पैशांची गरज असते, तेव्हा तुम्ही या फंडातून पैसेही काढू शकता. यासोबतच सेवानिवृत्तीनंतर पेन्शनसाठी पैसेही जमा केले जातात. पण पीएफ खात्याशी संबंधित अनेक नियम आहेत, जे पाळणे आवश्यक आहे. जरी तुम्ही पीएफ खात्यातून पैसेही काढत नसाल तरीसुद्धा वेळोवेळी तुम्हाला पीएफ फंडाशी संबंधित नियमांचे पालन करावे लागेल.

?1 सप्टेंबरपासून पीएफशी संबंधित नियम बदलणार

आता येत्या 1 तारखेपासून म्हणजेच 1 सप्टेंबरपासून पीएफशी संबंधित नियम बदलणार आहेत. विशेष गोष्ट अशी की, तुम्ही तुमच्या खात्यातून पैसे काढत नसलात तरी तुमच्यासाठी हे काम करणे आवश्यक आहे, अन्यथा तुमच्या खात्यात पैसे येणे बंद होईल. चला तर जाणून घेऊया तो नियम काय आहे आणि आपल्याला हा नियम कसा पाळावा लागेल…

?नियम काय आहे?

ईपीएफओने पीएफ खात्याशी आधार कार्ड लिंक करणे अनिवार्य केलेय. आता पीएफ खाते आणि आधार लिंक करण्याची शेवटची तारीख 1 सप्टेंबर 2021 आहे. अशा परिस्थितीत सर्व पीएफ खातेधारकांना 31 ऑगस्ट 2021 पर्यंत त्यांच्या खात्याशी आधार लिंक करावे लागेल. जर तुम्ही हे केले नाही तर तुमच्या खात्यात नियोक्त्याकडून येणारे पैसे बंद होतील म्हणजेच तुमच्या खात्यातील पैसे कमी होतील. जर तुम्हाला सतत खात्यात पैसे येत राहायचे असतील तर तुम्ही PF शी आधार लिंक करा.

?ही मुदत 31 ऑगस्टपर्यंत वाढवण्यात आली

ईपीएफओने यापूर्वी 30 मे 2021 रोजी अंतिम तारीख निश्चित केली होती, परंतु ही मुदत 31 ऑगस्टपर्यंत वाढवण्यात आली आहे. म्हणजेच या महिन्यात तुम्ही हे काम करणे आवश्यक आहे अन्यथा तुमच्या खात्यात पैसे येणे बंद होईल.

?ईपीएफ खातेधारकांना नवीन मार्गदर्शक तत्त्वे जारी

ईपीएफओने ईपीएफ खातेधारकांना नवीन मार्गदर्शक तत्त्वाबद्दल सूचित केले आहे की, सामाजिक सुरक्षा संहिता, 2020 चे कलम 142 लागू केल्यावर ईसीआर फक्त त्या सदस्यांसाठीच दाखल करण्याची परवानगी दिली जाईल. ईपीएफओने आपल्या खातेधारकांना कृपया या सूचनांचे पालन करा आणि तुमच्या खात्यातील आधार क्रमांक अपडेट करा. जेणेकरून तुम्हाला कोणत्याही प्रकारच्या समस्येला सामोरे जावे लागणार नाही.

? आधारला ईपीएफशी कसा जोडायचा?

? आधार क्रमांक ईपीएफशी लिंक करण्यासाठी तुम्हाला ईपीएफओ पोर्टल epfindia.gov.in वर लॉगिन करावे लागेल.
?’ई-केवायसी पोर्टल’ आणि ‘लिंक यूएएन आधार’ त्यानंतर ‘ऑनलाईन सेवा’ पर्यायावर क्लिक करा.
?तुमचा यूएएन नंबर आणि नोंदणीकृत मोबाईल नंबर टाका.
?नोंदणीकृत मोबाईल क्रमांकावर ओटीपी येईल.
?यानंतर OTP आणि तुमचा 12 अंकी आधार क्रमांक टाका.
?भरल्यानंतर, ‘सबमिट’ बटणावर क्लिक करा.
?’OTP Verify’ या पर्यायावर क्लिक करा.
? यानंतर तुमच्या आधार तपशीलांची पडताळणी करण्यासाठी, तुमच्या आधार क्रमांकाशी जोडलेल्या मेलच्या तुमच्या नोंदणीकृत मोबाईल क्रमांकावर OTP मिळेल.

संबंधित बातम्या

ITR Filing- करदात्यांना दिलासा! सरकार ITR भरण्याची तारीख वाढवण्याच्या तयारीत, कारण काय?

तुमच्या मोबाईलमध्ये ‘Govt Yojana’चा हा मेसेज आलाय, मग व्हा सावध अन्यथा…!

In the next 2 days, complete the work related to the PF account, otherwise the money will stop flowing into the account