Gold Price Today : सोन्याची घसरण सुरूच, उच्चांकांपेक्षा सोनं स्वस्त, आता 10 ग्रॅम सोनं चक्क… जाणून घ्या आजचे रेट
Gold Price Today 5 June 2026 Latest News Updates in Marathi: आठवड्याच्या 5व्या दिवशी सराफा बाजारात मोठी घडमामोड घडली असून सोन्याचे दर खालीच घसरताना दित आहेत. सोनं आज किती स्वस्त झालं, 10 ग्रॅमचे दर आज किती ? घ्या जाणून
आंतरराष्ट्रीय घडामोडींचे देशांतर्गतही परिणा होता,सराफा बाजारवर त्याचेही पडसाद उमटताना दिसतात. भारतात सोन्याच्या दरात सातत्याने घसरण होत आहे. शुक्रवार, 5 जूनच्या सकाळी बहुतांश शहरांमध्ये सोन्याच्या दरात घट झाली. राजधानी दिल्लीत 24-कॅरेट सोन्याचा भाव प्रति 10 ग्रॅम 1,56,250 रुपयापर्यंत घसरला. आंतरराष्ट्रीय बाजारात स्पॉट गोल्डचा भाव प्रति औंस 4,471,79 डॉलर्स इतका आहे. अमेरिका-इराण शस्त्रसंधी कराराबाबत अनिश्चितता कायम असून पश्चिम आशियातील तणावामुळे प्रमुख व्याजदर दीर्घकाळ उच्च राहतील अशी चिंता वाढली आहे.
काही महिन्यांपूर्वी सोन्याच्या किमती 2 लाखांच्या पार गेल्या होत्या, त्यामुळे सोनं खरेदी करणं स्वप्नवत होतं. आता मात्र सोनं उच्चांकापेक्षा बरंच स्वस्त झालं आहे. गेल्या काही काळापासून सोन्याचे भाव 1,50, लाखांच्या आसपास होते. आज मात्र सोन्याचे दर 1 लाख 56 हजार 250 रुपये इतके आहेत. देशातील विविध शहरांत सोन्याच्या किमती थोड्याफार वरखाली झालेल्या आहेत.
दरम्यान, भारतीय रिझर्व्ह बँकेच्या चलनविषयक धोरण समितीच्या जून महिन्याच्या बैठकीचे निर्णय आज, 5 जून रोजी जाहीर होणार आहेत. देशातील रेपो दर सध्या 5.25 टक्के आहे. एप्रिलच्या बैठकीत तो अपरिवर्तित ठेवण्यात आला होता.
प्रमुख शहरातील सोन्याचे दर
| शहर | 22 कॅरेट सोन्याचे आजचे दर (₹) | 24 कॅरेट सोन्याचे आजचे दर (₹) |
| दिल्ली | 143240 | 156250 |
| मुंबई | 143090 | 156100 |
| अहमदाबाद | 143140 | 156150 |
| चेन्नई | 144790 | 157960 |
| कोलकाता | 143090 | 156100 |
| हैदराबाद | 143090 | 156100 |
| जयपुर | 143240 | 156250 |
| भोपाळ | 143140 | 156150 |
| लखनऊ | 143240 | 156250 |
| चंदीगड | 143240 | 156250 |
नुकतेच, भारतीय रिझर्व्ह बँकेने (आरबीआय) सुमारे 12 अब्ज डॉलर्सच्या सोन्याच्या विक्रीचे वृत्त फेटाळून लावले असून, प्रत्यक्ष सोन्याचा साठा 880.52 टन इतकाच कायम असल्याचे म्हटले आहे.
चांदीचे दर
सोन्याप्रमाणेच चांदी या आणखी एका मौल्यवान धातूच्या किमतीतही घसरण सुरू आहे. 5 जूनच्या सकाळी चांदीचा भाव 2,79,900 रुपये प्रति किलोग्राम होता. चांदीचा आंतरराष्ट्रीय स्पॉट भाव 73.56 डॉलर प्रति औंस आहे. या वर्षी जानेवारी महिन्यात देशांतर्गत चांदीच्या भावाने 4 लाख रुपये प्रति किलोग्रामचा मोठा टप्पा ओलांडला होता. मात्र आता बऱ्याच काळापासून चांदीचे दर तीन लाखांच्या खालीच आहेत.
