New Year ला आयटी कर्मचाऱ्यांसाठी मोठं गिफ्ट, 1 जानेवारीपासून होणार पगार वाढ

नवी दिल्ली : आयटी क्षेत्रामध्ये जास्त पगारासाठी कर्मचारी वारंवार नोकऱ्या बदलताना दिसतात. अशात आपल्या कर्मचाऱ्यांना कंपनीत थांबवून घेण्यासाठी आयटी कंपनी विप्रोने (Wipro) मोठं गिफ्ट दिलं आहे. विप्रोने 1 जानेवारी 2021 पासून आपल्या जुनिअर कर्मचाऱ्यांच्या पगारामध्ये वाढ करण्याचा निर्णय घेतला आहे. (new year gift wipro to roll out salary hikes for junior staff)

बंगळुरूच्या या कंपनीने 1 डिसेंबर 2020 पर्यंत उत्तम काम करणाऱ्या B3 बँडच्या कर्मचाऱ्यांना पगार वाढ देण्याचा निर्णय घेतला आहे. विप्रोने कर्मचाऱ्यांना कामाच्या अनुभवावर आधारित प्रत्येक बँडमध्ये सब-रँकिंगसोबत पाच बँडमध्ये (A ते E) कॅटेगराईज केलं आहे. सगळ्यात महत्त्वाचं म्हणजे विप्रोचे 1.85 लाख कर्मचारी हे बी 3 बँडमध्ये मोडतात.

विप्रोने ई-मेलच्या माध्यमातून दिलेल्या माहितीनुसार, कोरोनाच्या या जीवघेण्या काळात सर्व कर्मचाऱ्यांनी उत्तम काम केलं आहे. त्यांनी या कठीण काळातही खूप मेहनत केली. त्यामुळे बँड बी 3 मध्ये मोडणाऱ्या आणि त्यापेक्षा कमी बँडमध्ये असणाऱ्या सर्व कर्मचाऱ्यांसाठी 1 जानेवारी 2021पासून वेतन वृद्धि (MSI) सुविधादेखील सुरू करण्यात येणार आहे.

7,000 कर्मचाऱ्यांना मिळणार प्रमोशन

विप्रोच्या ई-मेल स्टेटमेंटनुसार, बँड C1 आणि त्यावरील बँडमध्ये काम करणाऱ्या सर्व कर्मचाऱ्यांना 1 जून 2021 पासून MSI मिळेल. तर विप्रो त्यांच्या तब्बल 7,000 कर्मचाऱ्यांचे पगार वाढवणार असून त्यांचं प्रमोशन करण्यात येणार आहे. यामुळे आयटी क्षेत्रात काम करणाऱ्या कर्मचाऱ्यांसाठी ही आनंदाची बाब असणार आहे. कोरोनामुळे अनेकांच्या नोकऱ्या गेल्या. काहींची पगार कपात करण्यात आली. पण अशात आता सगळं सुरळित होत असताना कर्मचाऱ्यांसाठीही चांगल्या संधी समोर येत आहेत. (new year gift wipro to roll out salary hikes for junior staff)

इतर बातम्या – 

खबरदार! विनापरवानगी LIC चा लोगो वापराल, तर कठोर शिक्षेस तयार राहा

…तर बँक खाते रिकामं झालेच म्हणून समजा; SBI चा पुन्हा एकदा ग्राहकांना अलर्ट

PHOTO | अबब! वेतन म्हणून मिळतात तब्बल 1.26 कोटी रुपये, पाहा गलेलठ्ठ पगार देणाऱ्या ‘या’ कंपन्या…https://t.co/ZIgVoHGHCo#HighestSalary

— TV9 Marathi (@TV9Marathi) December 22, 2020

(new year gift wipro to roll out salary hikes for junior staff)