तो ‘फुगा’ लवकरच फुटेल; RBI चे माजी गव्हर्नर रघुराम राजन यांचं क्रिप्टोकरन्सीबद्दल मोठं विधान

नवी दिल्लीः सध्या जगात सुमारे 6,000 क्रिप्टोकरन्सी आहेत, यापैकी फक्त 1 किंवा दोनच शिल्लक राहतील, त्याचा फुगा लवकरच फुटेल, असं भारतीय रिझर्व्ह बँकेचे (RBI) माजी गव्हर्नर रघुराम राजन यांनी एका मुलाखतीत सांगितले. रघुराम राजन यांनी CNBC-TV18 या बिझनेस चॅनलला मुलाखत दिलीय. त्यावेळी त्यांनी अनेक मुद्द्यावर आपली मतं व्यक्त केलीत.

क्रिप्टोकरन्सीवर कोणाचेही नियंत्रण नाही

बहुतेक क्रिप्टो अस्तित्वात आहेत, कारण लोकांना त्याबद्दल माहिती नाही. त्या कळपातील मेंढ्यांप्रमाणे वाढत आहेत. क्रिप्टोकरन्सीमुळे देशात जशी समस्या निर्माण झालीय, तशीच समस्या चिट फंडांमुळे निर्माण झालीय. चिट फंड लोकांकडून पैसे घेतात आणि नंतर गायब होतात. क्रिप्टो मालमत्ता बाळगणाऱ्या अनेकांना येत्या काही दिवसांत त्रास होणार आहे. क्रिप्टोकरन्सीवर कोणाचेही नियंत्रण नाही, ती पूर्णपणे विकेंद्रित प्रणाली आहे. कोणतेही सरकार किंवा कंपनी यावर नियंत्रण ठेवू शकत नाही. त्यामुळेच त्यात तीव्र चढ-उतार आहेत. हे ब्लॉकचेन तंत्रज्ञान आणि वितरित प्रणालीवर कार्य करते, ज्याला हॅक किंवा छेडछाड करता येत नाही.

रघुराम राजन यांचा इशारा

राजन म्हणाले की, बहुतेक क्रिप्टोची निश्चित किंमत नसते, परंतु काही क्रिप्टो पेमेंटसाठी विशेषतः क्रॉस-बॉर्डर पेमेंटसाठी अस्तित्वात असू शकतात. केंद्र सरकारने ब्लॉकचेन तंत्रज्ञान देशात पुढे नेण्याची परवानगी दिली पाहिजे. ब्लॉकचेन तंत्रज्ञानाला परवानगी दिली जाऊ शकते. मध्य अमेरिकेच्या एल साल्वाडोर काँग्रेसने 8 जून 2021 रोजी बिटकॉइन कायदा संमत केला आणि बिटकॉइनला कायदेशीर निविदा बनवणारा हा छोटा देश जगातील पहिला देश बनला. सध्या देशात क्रिप्टोकरन्सीबाबत कोणतेही नियम नाहीत. यामुळे पंतप्रधान नरेंद्र मोदी यांनी क्रिप्टोकरन्सीबाबत वरिष्ठ अधिकाऱ्यांसोबत बैठक घेतली आणि नियामक पावले उचलण्याचे संकेत दिलेत. क्रिप्टोकरन्सीबाबत नियमन नसल्यामुळे त्याचा वापर टेरर फंडिंग आणि काळ्या पैशाच्या हालचालीसाठी केला जात आहे, असाही सरकारला विश्वास आहे.

संबंधित बातम्या

Cabinet Decision: मोठी बातमी! सरकारनं 5 किलो मोफत अन्नची योजना मार्च 2022 पर्यंत वाढवली

LPG वर सबसिडी लवकरच सुरू होणार, 303 रुपयांची सूट मिळणार, कसा फायदा मिळवाल?