MPSC Exam Schedule 2022 : एमपीएससीकडून पुढील वर्षातील परीक्षांचं वेळापत्रक जाहीर, कोणती परीक्षा कधी? वाचा एका क्लिक वर

महाराष्ट्र लोकसेवा आयोगामार्फत (MPSC) सन 2022 मध्ये आयोजित केल्या जाणाऱ्या स्पर्धा परीक्षांचे अंदाजित वेळापत्रक आयोगाच्या संकेतस्थळावर प्रसिद्ध करण्यात आले आहे.

MPSC Exam Schedule  2022 : एमपीएससीकडून पुढील वर्षातील परीक्षांचं वेळापत्रक जाहीर, कोणती परीक्षा कधी? वाचा एका क्लिक वर
MPSC

मुंबई: महाराष्ट्र लोकसेवा आयोगामार्फत (MPSC) सन 2022 मध्ये आयोजित केल्या जाणाऱ्या स्पर्धा परीक्षांचे अंदाजित वेळापत्रक (Tentative Exam Schedule) आयोगाच्या संकेतस्थळावर प्रसिद्ध करण्यात आले आहे. राज्य सेवा परीक्षा, दिवाणी न्यायाधीश कनिष्ठ स्तर व न्याय दंडाधिकारी प्रथम वर्ग परीक्षा , महाराष्ट्र दुय्यम सेवा अराजपत्रित, गट-ब संयुक्त पूर्व परीक्षा , महाराष्ट्र गट-क सेवा मुख्य परीक्षा , महाराष्ट्र राजपत्रित तांत्रिक सेवा संयुक्त पूर्व परीक्षा, महाराष्ट्र वनसेवा मुख्य परीक्षा याशिवाय इतर परीक्षांचं आयोजन पुढील वर्षी करण्यात येणार आहे.

या परीक्षांचं वेळापत्रक जाहीर

अंदाजित वेळापत्रक जारी

MPSC Exam Schedule 1

महाराष्ट्र लोकसेवा आयोग परीक्षा वेळापत्रक

शासनाकडून संबंधित संवर्ग/पदांसाठी विहित वेळेत मागणीपत्र प्राप्त होईल या गृहितकाच्या आधारे अंदाजित वेळापत्रक प्रस्तावित करण्यात आले आहे. शासनाकडून विहित वेळेत मागणीपत्र प्राप्त झाल्यासच नियोजित महिन्यामध्ये पदे विज्ञापित करणे व वेळापत्रकाप्रमाणे परीक्षा घेणे शक्य होईल.वेळापत्रक अंदाजित असून जाहिरातीच्या अथवा परीक्षेच्या प्रस्तावित महिना दिनांकामध्ये कोणत्याही प्रकारचा बदल होऊ शकतो, असा बदल झाल्यास तो आयोगाच्या संकेतस्थळावर प्रसिध्द करण्यात येईल, असं महाराष्ट्र लोकसेवा आयोगाकडून कळवण्यात आलं आहे.

MPSC Exam Schedule 2

महाराष्ट्र लोकसेवा आयोग परीक्षा वेळापत्रक

आयोगाच्या वेबसाईटवर अधिक माहिती उपलब्ध होणार

अंदाजित वेळापत्रकाबाबतची सद्यस्थिती दर्शविणारी अद्ययावत माहिती (Updates) वेळोवेळी आयोगाच्या संकेतस्थळावर प्रसिध्द करण्यात येईल, असं महाराष्ट्र लोकसेवा आयोगाकडून जाहीर करण्यात आलं आहे. संबंधित परीक्षेची परीक्षायोजना, अभ्यासक्रम, निवड पध्दत इत्यादी तपशील आयोगाच्या संकेतस्थळावर प्रसिध्द करण्यात आला आहे/येईल व आयोगाच्या धोरणानुसार वेळोवेळी अद्ययावत करण्यात येईल. संबंधित परीक्षेमधून भरावयाच्या पदसंख्येबाबतचा सविस्तर तपशील जाहिरात/ अधिसूचनेद्वारे उपलब्ध करुन देण्यात येईल.

इतर बातम्या:

Mpsc result : PSI पूर्व परीक्षेचा निकाल जाहीर, मुख्य परीक्षा होणार 1 जानेवारी 2022 ला

MPSC Update | PSI पदाची शारीरिक चाचणी, मुलाखत लांबणीवर, अवकाळी पावसामुळे एमपीएससीचा निर्णय

MPSC Declared tentative exam schedule for 2022 year check details here

Published On - 2:05 pm, Sat, 4 December 21

Click on your DTH Provider to Add TV9 MARATHI