तीन वर्षापूर्वी पत्नीने आपले जीवन संपवले, आता जवळच्या व्यक्तीनेच पतीला संपवले; कारण काय?

जयपूर : आईनेच पोटच्या गोळ्याला संपवल्याची धक्कादायक घटना राजस्थानमधील जयपूरमध्ये घडली आहे. दारुच्या नशेत मुलगा घरी खूप त्रास द्यायचा म्हणून आईनेच भाडेकरुंच्या मदतीने मुलाला संपवल्याचे उघड झाले आहे. हत्या केल्यानंतर मृतदेह रस्त्यावर फेकून अपघाती मृत्यूचा बनाव केला. याप्रकरणी पोलिसांनी मयताच्या लहान भावाच्या तक्रारीनुसार हत्येचा गुन्हा दाखल केला आहे. पोलिसांनी आरोपी आईला अटक केली असून, तिची अधिक चौकशी करत आहेत. या हत्येत मदत करणाऱ्या अन्य आरोपींचा पोलीस शोध घेत आहेत.

पोलिसांना मध्यरात्रीच्या सुमारास हायवेवर आढळला मृतदेह

आमेर पोलीस ठाण्याच्या पोलिसांना शनिवारी मध्यरात्री 1.15 वाजण्याच्या सुमारास दिल्ली हायवेवर एक मृतदेह पडलेला आढळला. पोलिसांनी मृतदेह सीएचसी रुग्णालयात पाठवला. यानंतर पोलिसांनी याबाबत तपास सुरु केला. तपासादरम्यान पोलिसांना मयताचे नाव कमलेश यादव असल्याचे कळले. तसेच, वीजेचा शॉक लागल्याने तो छतावरुन खाली कोसळल्याची माहिती मिळाली.

तीन वर्षापूर्वी पत्नीची आत्महत्या

कमलेश इलेक्ट्रिशियनचे काम करत होता. तीन वर्षापूर्वी कमलेशच्या पत्नीने आत्महत्या केली होती. सध्या तो आपली आई, दोन मुले आणि भाऊ-बहिण यांच्यासोबत राहत होता. कमलेशला दारुचे व्यसन होते. दारु पिऊन तो घरच्यांना त्रास देत होता. त्याच्या त्रासाला घरचे वैतागले होते. यामुळे आईनेच त्याचा काटा काढण्याचे ठरवले.

हत्या करुन मृतदेह हायवेवर फेकला

आईने कुंडाजवळ भाडेकरुंच्या मदतीने एका फॅक्टरीमध्ये मुलाची हत्या केली. हत्या केल्यानंतर अपघाती मृत्यू भासवण्यासाठी मृतदेह 3 किमी दूर हायवेवर फेकला. मात्र कानून के हाथ लंबे होते है असं म्हणतात ना. तसेच झाले. तपासादरम्यान पोलिसांना हा घातपात असल्याचा संशय आला. आणि पोलिसांनी सखोल तपास सुरु केला.

तपासात आईनेच मुलाच्या त्रासाला कंटाळून त्याला संपवल्याचे उघड झाले. यानंतर पोलिसांनी आरोपी आईला अटक केली आहे. तर अन्य आरोपी फरार झाले असून, पोलीस त्यांचा शोध घेत आहेत.