Malegaon riots| मालेगाव दंगलीतील संशयित आरोपी शरण, पत्रकार परिषद घेत राष्ट्रवादीसह पोलिसांवर आरोपांच्या फैरी

मालेगाव दंगलीतील 16 जण फरार आहेत. संशयित आरोपी शरण घेण्यापूर्वी पत्रकार परिषद घेत आहे, याचा साधा सुगावाही गाफिल पोलीस यंत्रणेला नव्हता. याबद्दल आश्चर्य व्यक्त केले जात आहे.

Malegaon riots| मालेगाव दंगलीतील संशयित आरोपी शरण, पत्रकार परिषद घेत राष्ट्रवादीसह पोलिसांवर आरोपांच्या फैरी
मालेगाव दंगलीतील संशयित नगरसेवक मुस्तकिम डिग्निटी याने पत्रकार परिषद घेतली.
Follow us
| Updated on: Dec 15, 2021 | 11:04 AM

नाशिकः मालेगाव दंगलीतील संशयित आरोपी नगरसेवक मुस्तकिम डिग्निटी अखेर पोलिसांना शरण आला आहे. त्यापूर्वी त्याने एक पत्रकार परिषद घेऊन पोलिसांवर आरोपांच्या फैरी झाडल्या. पक्षाला वाचवण्यासाठी राष्ट्रवादी काँग्रेसच्या नेत्यांनी शहराला टार्गेट केले, असा आरोप त्याने केला. विशेष म्हणजे अजूनही या दंगलीतील 16 जण फरार आहेत. संशयित आरोपी शरण घेण्यापूर्वी पत्रकार परिषद घेत आहे, याचा साधा सुगावाही गाफिल पोलीस यंत्रणेला नव्हता. याबद्दल आश्चर्य व्यक्त केले जात आहे.

नेमके प्रकरण काय?

त्रिपुरा येथील कथित घटनेवरून महाराष्ट्रात मालेगाव आणि अमरावतीमध्ये नोव्हेंबर महिन्यात दंगली उसळल्या. त्यात मालेगावमध्ये झालेला हिंसाचार हा सुनियोजित होता, असे पुढे आले. नगरसेवक अयाज हलचलने एक आक्षेपार्ह व्हिडिओ क्लिप तयार करून सोशल मीडियावर व्हायरल केली. त्यात त्रिपुरा येथे मुस्लिम नागरिकांवर अन्याय होत आहे. तिथले दंगे रोखण्यात सरकार अपयशी ठरले आहे, असे म्हणत ती क्लिप इतर चौघांच्या मदतीने वेगवेगळ्या ग्रुपवर फॉरवर्ड केली. 8 नोव्हेंबरला हा प्रकार घडला होता. याप्रकरणी पोलिसांनी नगरसेवक अयाज हलचलला बेड्या ठोकल्या असून, इतर 42 जणांवर कारवाई केली आहे. दंगलीच्या सूत्रधाराचा पोलिसांनी शोध सुरू केला आहे.

कोट्यवधींचा भ्रष्टाचार

डिग्निटी घटनेनंतर महिनाभर फरार होता. त्यानंतर त्याची पत्नी आणि मालेगाव महापालिकेच्या विरोधी पक्षनेत्या शान-ए-हिंद यांनी अचानक त्यांच्या घरी एक पत्रकार परिषद बोलावली. यावेळी डिग्निटी समोर आला. त्याने मालेगावातली दंगल एक पूर्वनियोजित कट होता, असा आरोप केला. महापालिकेतील भ्रष्ट कामांची कोट्यवधींची बिले तक्रार केल्यामुळे अडकली आहेत. त्यामुळे या हिंसाचारात आपल्यावर हल्ला करण्याचा कट होता, असा आरोप त्याने केला. याप्रकरणी एमआयएम, जनता दल यांच्या कार्यकर्त्यावर गुन्हे दाखल झाले. मात्र, बंदला राष्ट्रवादी काँग्रेसचा पाठिंबा होता. त्यांचा फिर्यादीत कसा काय उल्लेख नाही, असा सवाल त्याने केला.

पोलिसांवर दबाव

राष्ट्रवादी काँग्रेसच्या कार्यकर्त्यांची नावे येऊ नयेत म्हणून पोलिसांवर दबाव होता. स्वातंत्र्यानंतर भारतात राहिलेले मुस्लीम हे जिना नव्हे तर गांधी आणि आंबेडकरांना नेते मानतात. आम्हीही त्यांनाच नेते मानतो. माझा कायद्यावर पूर्ण विश्वास असून, यातून मी सहज सुटेन, असा दावा त्याने केला. या पत्रकार परिषदेनंतर दुचाकीसह शहरातून पोलिस ठाण्यात हजर राहून त्याने शरणागती पत्करली. डिग्निटी हा दिवंगत माजी मंत्री निहार अहमद यांचा जावई आहे. आता या आरोपामुळे पुन्हा एकदा मालेगाव दंगलीचा मुद्दा चर्चेत आला आहे.

इतर बातम्याः

Shiv Sena| शिवसेना अजून यूपीएचा भाग नाही, मिनी UPA चा प्रयोग सुरू; संजय राऊत यांचे वक्तव्य

Mumbai Bank Election| आपण मजूर आहात का? सहकार विभागाची दरेकरांना नोटीस

Non Stop LIVE Update
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.