Crime : दिसायला एकदम देखणा सांगून गतिमंद मुलासोबत लग्न, एका रात्री सासऱ्यानेच आतून लावली कडी अन्….

Crime : चित्रपटात तुम्ही अनेकदा पाहिलं असेल की लग्न लावताना काहीवेळा मुलींची फसवणूक केली जायची. लग्न झाल्यावर मुलीला समजायचं की तिचा नवरा गतिमंद किंंवा त्याला दिसत नाही. त्यानंतर ती तरूणी हार न मानत त्याच पतीसोबत आपला संसार थाटायची. मात्र तो कितीही केला तरी सिनेमाच असतो. परंतु प्रत्यक्षात तसा प्रकार घडला आहे. सिनेमा परवडला पण इथे पतीच्या वडिलांनी म्हणजेच सासऱ्यानेच आपल्या मुलीच्या वयाच्या सूनेसोबत वाईट कृत्य केलं आहे.

नेमका काय आहे प्रकार? 

उत्तर प्रदेशमधील बांदा येथून हा धक्कादायक प्रकार समोर आला आहे. 6 मे ला पीडितेचा विवाह झाला होता, तिच्या घरच्यांनी आर्थिक परिस्थिती कमकुवत असूनही मोठ्या रकमेने हुंडा दिला होता. लग्नानंतर पती हा गतिमंद असल्याचं तिला समजलं. ही गोष्ट सासरच्या लोकांनी तिच्या घरच्यांपासून लवपली होती. लग्न झाल्यावर काहीच दिवसानंतर सासरा तिचा गाडी आणि सोन्याची चैन आण म्हणून छळ करू लागला.

पीडितेच्या घरची परिस्थिती हालाखिची असल्यामुळे तिला आता परत काही देणं शक्य नव्हतं. मात्र सासरा रोज तिला त्रास देत होता. एक दिवशी तर रात्रीच्या वेळी पीडित झोपलेली असताना सासरा रूममध्ये आला आणि आतमधून खोलीची कडी लावून घेतली. चाहूल लागल्याने तिला जाग आली तेव्हा सासरा बंदुक घेऊन तिला वाईट पद्धतीने स्पर्श करत होता.

पीडितेने सासऱ्याला विरोध केल्यावर त्याने तिचं तोंड दाबत घरात राहायचं असेल तर मी जसं म्हणेल तसंच वागावं लागेल. यानंत हा सर्व प्रकार तिने आपल्या पतीला सांगितला. मात्र मानसिक दृष्या कमकुवत असल्याने त्याने काही मनावर घेतलं नाही. या सगळ्याला कंटाळून पीडितने पोलिसात धाव घेतली आणि सर्व प्रकार सांगितला. पोलिसांनी सासऱ्यावर गुन्हा दाखल केला असून गुन्हेगाराला शिक्षा दिली जाईल, असं आश्वासन पीडितेला दिलं आहे.