अंबानींच्या घराबाहेर कार सोडताना ओळख लपवण्यासाठी ‘त्या’ ड्रायव्हरकडून पीपीई किटचा वापर

मुंबई: सुप्रसिद्ध उद्योगपती मुकेश अंबानी (Mukesh Ambani) यांच्या दक्षिण मुंबईतील अँटिलिया या निवासस्थानाबाहेर काही दिवसांपूर्वी स्फोटकांनी भरलेली गाडी आढळल्याने एकच खळबळ उडाली होती. पोलिसांकडून या घटनेचा सध्या कसून तपास केला जात आहे. त्यामुळे याप्रकरणात सातत्याने नवनवीन माहिती समोर येत आहे. (Explosive car found outside residence of Mukesh Ambani)

आता मुकेश अंबानी यांच्या निवासस्थानाबाहेर कार सोडणाऱ्या व्यक्तीविषयी आणखी एक माहिती समोर आली आहे. सीसीटीव्ही फुटेजमधये मुकेश अंबानी यांच्या घराबाहेर स्फोटके ठेवण्यासाठी स्कॉर्पिओ आणि इनोव्हा अशा दोन गाड्या आल्याचे निष्पन्न झाले होते. यापैकी इनोव्हा गाडीच्या चालकाने आपली ओळख लपवण्यासाठी पीपीई किट वापरल्याची माहिती पुढे आली आहे. त्यामुळे सीसीटीव्ही फुटेजमध्ये या ड्रायव्हरचा चेहरा दिसू शकला नाही.

ही इनोव्हा गाडी दोनदा मुंबईत आली होती. दोन्ही वेळेला ही गाडी मुकेश अंबानी यांच्या घराच्या परिसरात गेली होती. त्यामुळे पोलीस आता या माहितीच्याआधारे याप्रकरणाचे आणखी काही धागेदोरे मिळतात का, हे तपासत आहेत.

डियर नीता भाभी और मुकेश भय्या, यह तो सिर्फ ट्रेलर है, अंबानींच्या घराबाहेरील कारमध्ये लेटर

मुकेश अंबानी यांच्या घराबाहेर स्फोटकांसह एक पत्रही मिळाले होते. या पत्रातून मुकेश अंबानी आणि त्यांच्या कुटुंबीयांना धमकी देण्यात आली आहे. ‘डियर नीता भाभी और मुकेश भैय्या और फॅमिली.. ये तो सिर्फ ट्रेलर है अगली बार ये सामान पुरा हो क्या आयेगा तुम्हारे फॅमिली को उडाने….संभल जाना…’, असा मजकूर या पत्रात असल्याचे समजते.

अंबानींच्या घराबाहेरील स्फोटकांचा तपास ‘एनआयए’ करणार; हिरेनप्रकरण एटीएसकडेच

उद्योगपती मुकेश अंबानी यांच्या घरासमोर स्कॉर्पिओ गाडीत जिलेटीनचा मोठा साठा सापडला होता. या प्रकरणाचा तपास आता एनआयए करणार आहे. केंद्र सरकारने तसे आदेशच दिले आहेत. तसेच मनसुख हिरेन प्रकरणाचा तपास एटीएसच करणार असल्याची माहिती गृहमंत्री अनिल देशमुख यांनी दिली होती.

अंबानी यांच्या बंगल्यासमोर स्कॉर्पिओमध्ये जिलेटीनचा साठा सापडला होता. या प्रकरणाचा मुंबई पोलीस व्यवस्थित तपास करत होते. मात्र आता केंद्राने या प्रकरणाचा तपास एनआयएकडे सोपवला आहे. तसे आदेशच केंद्राने काढले आहेत. यापूर्वीही केंद्राने सुशांतसिंग राजपूत प्रकरणाचा तपास सीबीआयकडे दिला होता. 7 महिने झाले. सुशांतसिंगने आत्महत्या केली की त्यांची हत्या झाली हे स्पष्ट झालं नाही. आता हा तपास सुद्धा एनआयएने घेतला आहे, असे देशमुख यांनी सांगितले.

संबंधित बातम्या:

मुकेश अंबानींच्या घराबाहेर स्फोटकाने भरलेल्या स्कॉर्पिओ मालकाचा मृतदेह सापडला

Video: जिथं ‘त्या’ स्कॉर्पिओच्या मालकानं आत्महत्या केली तिथला व्हिडीओ जशास तसा

मनसुख हिरेनप्रकरणाचा तपास ‘एनआयए’कडे देण्यामागे काळंबेरं, आम्ही पोलखोल करू; मुख्यमंत्र्यांचा इशारा

(Explosive car found outside residence of Mukesh Ambani)