Harsh Sanghvi: बलात्काराला मोबाईल फोन जबाबदार; गुजरातच्या मुख्यमंत्र्यांचं अजब तर्कट
बलात्काराच्या घटना घडल्यावर नेहमीच पोलिसांना जबाबदार धरलं जातं. परंतु, अशा घटनांसाठी पोलिसांना दोष देणं योग्य नाही. अशा घटना या समाजावरील डाग आहेत, असं सांगतानाच मोबाईल फोनवर सहजपणे मिळणारे अश्लील व्हिडीओच बलात्काराच्या घटनांना जबाबदार आहेत.
अहमदाबाद: बलात्काराच्या घटना घडल्यावर (Crime) नेहमीच पोलिसांना जबाबदार धरलं जातं. परंतु, अशा घटनांसाठी पोलिसांना दोष देणं योग्य नाही. अशा घटना या समाजावरील डाग आहेत, असं सांगतानाच मोबाईल फोनवर सहजपणे मिळणारे अश्लील व्हिडीओच बलात्काराच्या घटनांना जबाबदार आहेत, असं अजब तर्कट गुजरातचे गृहमंत्री हर्ष संघवी (Harsh Sanghvi) यांनी वर्तवलं आहे. संघवी यांच्या या विधानावर आश्चर्य आणि संतापही व्यक्त केला जात आहे. बलात्कारासाठी शेजारील व्यक्ती किंवा नातेवाईक जबाबदार असतात हे एक महत्त्वाचं कारण आहे. नुकताच एक सर्व्हे झाला होता, त्यात बलात्काराला मोबाईल फोन (mobile phone) आणि ओळखीचे लोक जबाबदार असल्याचं स्पष्ट झालं आहे, असा दावाही संघवी यांनी केला आहे. संघवी यांच्या या विधानावर प्रतिक्रिया उमटण्याची चिन्हे आहेत. त्यामुळे सिंघवी यांची कोंडी होण्याची शक्यताही वर्तवली जात आहे.
नेहमीच बलात्कारांच्या घटनांमध्ये पोलिसांना दोषी ठरवलं जातं. परंतु आम्ही अशा घटनांसाठी पोलिसांना दोषी ठरवत नाही. संपूर्ण देशात गुजरात हे सुरक्षित राज्य आहे. जर एक बाप लहान मुलीवर बलात्कार करत असेल तर त्याचं कारण म्हणजे मोबाईल फोन आहे, असं हर्ष संघवी म्हणाले.
तो सामाजिक इश्यू नाहीये का?
लोकांच्या सामाजिक विकृतीमुळेही बलात्काराच्या घटना घडत असल्याचं दिसून आलं आहे. जर एखादा बाप आपल्या मुलीवर बलात्कार करतो तर ती सामाजिक विकृती नाहीये का? असा सवालही त्यांनी केला.
म्हणून या घटना घडतात
मोबाईलमध्ये सहजपणे पॉर्न व्हिडीओ मिळतात. त्यामुळे अशा घटना घडत असतात. तुम्ही ज्यांच्यावर विश्वास टाकता अशा लोकांकडूनच अशा प्रकारच्या छोट्या मोठ्या घटना घडत असतात. ही गोष्ट लोकांपर्यंत पोहोचली पाहिजे. त्यामुळे लोक सावध होतील, असंही त्यांनी सांगितलं.
नेमकं काय घडलं?
8 डिसेंबर 2021मध्ये सूरतच्या पांडसेरा परिसरात एका अडीच वर्षाच्या मुलीवर बलात्कार करण्यात आला होता. त्यानंतर तिची हत्या करण्यात आली होती. या प्रकरणात अतिरिक्त सत्र न्यायालयाने आरोपीला दोषी ठरवून त्याला फाशीची देण्यात आली होती. सीसीटीव्ही फूटेजवरून पोलिसांनी आरोपीला जेरबंद केलं होतं. चौकशी केली असता आरोपीच्या मोबाईलमध्ये मोठ्या प्रमाणावर पॉर्न व्हिडीओ सापडले होते.
संबंधित बातम्या:
VIDEO : अमरावतीत दोन गटात तुफान राडा, हाणामारीची घटना सीसीटीव्ही कॅमेऱ्यात कैद
अकोल्यात IB ची बनावट टोळी सक्रिय, Shiv Sena आमदाराच्या घरावर धाड